Ysay 10:2 - An Bibel Kernewek 20234 (Kernewek Kemmyn)

² dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 10:2 ပူးပေါင်းရင်းမြစ်များ

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Ysay 29:21

an re a dhampen den der er, ha gorra maglenn rag an darsiwyas y'n yet, ha treylya breus an den gwiryon gans fals dhustuni.

Ysay 5:23

neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Kynvannow 3:35

pan vydh treylys a-denewen gwirvreus gour a-wel dhe'n Ughella,

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Salmow 94:6

I a ladh an wedhwes ha'n alyon, ha moldra an re omdhivas.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 32:6

Rag an foll a gews follneth, ha' y golonn a wra droktra: ev a wra taklow didhuw, ow kewsel falsuri a-dro dhe'n Arloedh, ow kul gwag enev an den nownek hag ow skonya ri dowr dhe'n den mayth eus syghes dhodho.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Eksodus 23:6

Ny wredh kammdreylya gwirvreus rag dha dhen boghosek yn y gen.

Job 31:16

‘Mar skonis hwansow an voghosogyon, po gul dhe dhewlagas an wedhwes fyllel,

Lavarow Koth 22:22

Na lader dhiworth an boghosek rag y vos boghosek; na vrew an edhommek orth an yet.

Lavarow Koth 30:14

Yma re, mayth yw aga dyns kledhedhyow, hag avel kellylli yw aga diwen dhe dhybri an voghosogyon a-dhiwar an norvys, an edhommogyon dhiworth mab-den.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Amos 5:19

kepar ha pan fia gour dhiworth lew, hag ors ow tos er y bynn; po mos yn chi ha poesa erbynn an paros gans y dhorn ha bos brethys gans sarf.

Mika 3:1

Hag y leveris vy: Klewyewgh, hwi bennow a Yakob, ha rewloryon chi Ysrael! A nyns yw ragowgh hwi dhe aswonn gwirvreus? –