Ysay 10:16 - An Bibel Kernewek 20234 (Kernewek Kemmyn)

¹⁶ Rakhenna an Arloedh, Arloedh an luyow, a dhannvon kleves gwastyans yn mysk y gasoryon gorfek, hag yn-dann y wolewder loskvann a vydh enowys avel an losk a dan.

Ysay 10:16 ပူးပေါင်းရင်းမြစ်များ

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Salmow 106:15

Hag ev a wrontyas dhedha aga govynnadow, mes dannvon kleves fell yn aga enev.

Salmow 78:31

konnar Duw a dheuth warnedha, ha ladha an re vrassa anedha, ha gul dhe flour Ysrael koedha.

Ysay 10:18

Splannder y goes ha'y dir feyth ev a dhistru, enev ha korf war-barth, kepar dell wra den klav gwastya dhe-ves.

Ysay 17:4

Y'n jydh na glori Yakob a vydh tanowhes, ha blonek y gig a vydh lehes.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 5:17

Ena eyn a beur kepar hag yn aga feurva, hag enyvales peskys ha mynnow a dheber yn mysk an magoryow.

Ysay 8:7

rakhenna awotta'n Arloedh a dhre warnedha dowrow bras ha meur an avon, myghtern Assyria gans oll y wolewder. Ha hi a dheu yn-bann dres oll hy hanolyow, ha mos war oll hy glannow;

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Ysay 9:5

Rag pub botasenn ow trettya yn tervans an gas, ha pub mantell rolys a-dro yn goes a vydh leskys, keunys dhe'n tan.

Yeremia 21:14

Mes my a'gas kessydh herwydh frut agas gwriansow, yn-medh an Arloedh; ha my a enow tan yn y goeswik, hag a gowllesk pup-tra a-dro dhodho.

Yeremia 48:14

Fatell yllowgh leverel, ‘Kasoryon alloesek on ni, ha gwer nerthek rag an vresel’?

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Nahum 1:12

Yndellma y lever an Arloedh: Kyn fons i krev hag ynwedh lies aga niver, hwath i a vydh treghys yn-nans, ha tremena dhe-ves. Kyn re'th grevis, ny wrav dha revya namoy.

Sefania 2:13

Hag ev a ystynn y leuv erbynn an kledh ha distrui Assyria, ha gul Nineve yn difeyth, sygh kepar ha'n gwylvos.

Zekaria 7:4

Ger Arloedh an luyow a dheuth dhymm, ow leverel,

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.