Ysay 10:13 - An Bibel Kernewek 20234 (Kernewek Kemmyn)

¹³ Rag yn-medh ev, ‘Dre nerth ow leuv re'n gwrug vy, ha der ow furneth, rag bos genev konvedhes. My re removas oryon poblow, ha ravna aga thresorvaow, ha dri rewloryon dhe'n dor avel kasor nerthek.

Ysay 10:13 ပူးပေါင်းရင်းမြစ်များ

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 16:8

Hag Ahaz a gemmeras an arghans ha'n owr a veu kevys yn chi an Arloedh hag yn tresorvaow chi an myghtern, ha'ga dannvon avel ro dhe vyghtern Assyria.

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 18:11

Myghtern Assyria a dhug Ysrael dhe-ves bys yn Assyria ha'ga gorra yn Halagh ha ryb an avon Habor yn Gozan, hag yn sitys an Medys,

2 Myghternedh 18:15

Hezekia a ros dhodho oll an arghans a veu kevys yn chi an Arloedh, hag y'n tresorvaow chi an myghtern.

2 Myghternedh 18:32

bys pan dhov ha'gas kemmeres dhe-ves dhe bow kepar ha'gas pow agas honan, pow a reun ha gwin, pow a vara ha gwinlannow, pow a olew ha mel, may hyllowgh bewa yn le merwel. Na woslowewgh orth Hezekia pan y'gas kammled ow leverel, An Arloedh a wra agan delivra.

1 Kroniklys 5:26

Ytho Duw Ysrael a wrug dhe spyrys Pul myghtern Assyria difuna, spyrys Tiglath-pileser myghtern Assyria, hag ev a dhug dhe-ves an Rewbenysi, an Gadysi, ha'n hanter-loeth Manasse, ha'ga dri dhe Halagh, Habor, Hara, ha dhe'n avon Gozan, bys y'n jydh ma.

Lavarow Koth 28:11

An gour rych yw fur yn y dhewlagas y honan, mes an den boghosek ha poellek a yll y dhiskudha.

Ysay 10:8

Rag yn-medh ev, ‘A nyns yw oll ow fennsevigyon myghternedh?

Ysay 5:21

Go-i neb yw skentel yn aga dewlagas aga honan, ha konnyk yn aga golok aga honan.

Yeremia 46:8

Ejyp a sev avel an Nil, avel avonyow gans aga dowrow yn hwythfians. Ev a leveris, My a sev, my a gudh an nor, my a dhistru an sitys ha'ga annedhysi.

Yeremia 48:14

Fatell yllowgh leverel, ‘Kasoryon alloesek on ni, ha gwer nerthek rag an vresel’?

Ezekiel 25:3

Lavar dhe vebyon Ammon, Klewewgh ger an Arloedh Duw: Yndellma y lever an Arloedh Duw, Drefenn ty dhe leverel, ‘Aha!’ war ow sentri pan veu disakrys, ha war dir Ysrael pan veu gwrys ynyal, ha dhe ji Yuda pan ethons yn divroedh;

Ezekiel 26:2

Mab den, drefenn Tyr dhe leverel erbynn Yerusalem, ‘Aha! Yetys an poblow yw terrys ha'n sita yw igor a-ragov; my a vydh sewen, rag hy bos distruys’,

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 35:13

Hwi a vostyas er ow fynn gans agas ganow, ha kressya agas geryow er ow fynn; my a'n glewas.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.

Amos 6:13

Hwi a lowenha yn Lo-debar, ow leverel, ‘A ny wrussyn gans agan nerth agan honan kemmeres ragon Karnaym?’

Habakkuk 1:11

Ena i a dremen kepar ha gwyns, ha mos dhe-ves; an dus kablus ma, aga nerth yw aga duw.

Habakkuk 1:16

Rakhenna yth offrynn dh'y roes ha leski offrynnow dh'y roes-draylya; rag bras yw y rann dredha, ha rych yw y boes.

Habakkuk 2:6

A ny wra oll an re na drehevel parabolenn er y bynn, ha henlavarow rag y skornya, ow leverel, ‘Go-ev neb a guntell war-barth pythow nag eus dhodho ev; (pes termyn y hwra henna pesya?) Beghys yw gans arwoestlow.’

Dewteronomi 8:17

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Breusysi 7:2

An Arloedh a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”