Ysay 1:29 - An Bibel Kernewek 20234 (Kernewek Kemmyn)

²⁹ Rag i a vydh methek a'n derow re dhesirsowgh; hag i a vydh shamys dre'n lowarthyow re dhewissowgh.

Ysay 1:29 ပူးပေါင်းရင်းမြစ်များ

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 31:7

Rag y'n jydh na pubonan ahanowgh a dhenagh y idolys owrek a wrug agas diwla dhywgh yn pegh.

Ysay 42:17

An re a drest yn imajys gravys a vydh treylys war-dhelergh hag a berth meth – an re a lever dhe imajys teudh, ‘Hwi yw agan duwow.’

Ysay 45:16

I oll a's teves meth hag a vydh konfondys, gwrioryon imajys a yn deray war-barth.

Ysay 57:5

Hwi a lesk gans lust yn mysk an derow, yn-dann bub gwydhenn las; ow ladha an fleghes y'n nansow, yn-dann savnow an karregi.

Ysay 65:3

pobel usi orth ow frovokya dhe sorr dhe'm fas heb hedhi, usi prest ow sakrifia y'n lowarthyow hag ow leski offrynnow war alteryow brykkys;

Ysay 66:17

An re a omsaker hag omlanhe dhe vos bys y'n lowarthyow, ow siwya nebonan y'n kres, ow tybri kig an mogh, ha'n dra gasadow, ha'n logosenn, a dheu dhe dhiwedh war-barth, yn-medh an Arloedh.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Ezekiel 6:13

Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 14:8

A Efraym, pandr'yw imajys hwath dhymmo vy? My a worthyp dhodho, ha'y witha. My yw avel merywenn las; dha frut a dheu a-dhiworthiv.

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Hosea 4:19

An gwyns a's maylyas yn hy eskelli, hag y fydhons methek a'ga sakrifisow.

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.