Ysay 1:18 - An Bibel Kernewek 20234 (Kernewek Kemmyn)

¹⁸ Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 1:18 ပူးပေါင်းရင်းမြစ်များ

Job 9:33

Unnweyth a pe breusyas yntredhon, neb a alla settya y leuv warnan agan dew!

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Salmow 51:9

Kudh dha fas rag ow feghosow, ha defend dhe-ves oll ow hammweythresow.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 3:13

An Arloedh re gemmeras y le dhe bledya y gen, ha sevel dhe vreusi poblow.

Ysay 41:1

Bedhewgh tawel a-ragov, hwi ynysow; nowydhhes an poblow aga nerth, nesens i, ena kewsens i; nesyn ni war-barth rag breus.

Ysay 41:21

Dyllewgh agas ken, yn-medh an Arloedh, degewgh agas provow, yn-medh Myghtern Yakob.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 50:8

Ogas yw ev neb a'm ewnha. Piw a vynn strivya genev? Sevyn ni war-barth. Piw yw ow huhudhor? Des e nes dhymm.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Ezekiel 18:27

Mes pan dreyl tebelwas dhiworth y dhrogober re wrug, ha gul an pyth yw lafyl hag ewn, ev a saw y enev yn few.

Ezekiel 33:16

Ny vydh kovhes er y bynn oll an peghosow re wrug ev. Ev re wrug an pyth yw lafyl hag ewn; ev a vew yn surredi.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.

Oberow 17:2

Ha herwydh usadow Powl, ev a entras ena, ha tri dydh sabot ev a dhadhlas gansa dhiworth an skryptors,

Oberow 18:4

Ha pub sabot ev a dhadhla y'n synaga, hag ev a assaya treylya ha Yedhewon ha Grekys.

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

1 Samuel 12:7

Lemmyn ytho sevewgh a'gas sav, rag may hallav pledya genowgh a-dherag an Arloedh a-dro dhe oll oberow gwiryon an Arloedh, a wrug ev ragowgh ha rag agas tasow.