Ysay 1:17 - An Bibel Kernewek 20234 (Kernewek Kemmyn)

¹⁷ dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 1:17 ပူးပေါင်းရင်းမြစ်များ

Salmow 34:14

Treyl dhiworth drog, ha gwra da; hwila kres, ha'y helghya.

Eksodus 22:21

Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Lavarow Koth 15:25

An Arloedh a derr dhe'n dor chi an re woethus, mes ev a venten orven an wedhwes.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Lavarow Koth 31:9

Igor dha anow, breus yn ewn, ha pled ken an edhommek ha'n boghosek.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Ezekiel 45:9

Yndellma y lever an Arloedh Duw: Lowr yw, a bennsevigyon Ysrael! Hepkorrewgh garowder ha ravna, ha gwrewgh gwirvreus hag ewnder; na wrewgh tewlel ow fobel yn-mes a'ga ferghennogeth na fella, yn-medh an Arloedh Duw.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Zekaria 8:16

Hwi a wra an taklow ma: kewsewgh an gwir an eyl orth y gila; rewgh breus a wirder ha kres yn agas porthow;

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.