Ysay 1:15 - An Bibel Kernewek 20234 (Kernewek Kemmyn)

¹⁵ Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 1:15 ပူးပေါင်းရင်းမြစ်များ

1 Myghternedh 8:22

Ena Solomon a sevis a-rag alter an Arloedh yn lok oll kuntelles Ysrael, hag ystynn y dhiwleuv dhe nev.

1 Myghternedh 8:54

Lemmyn pan worfennas Solomon profya an pysadow ma ha'n pledyans ma dhe'n Arloedh, ev a sevis a-dherag alter an Arloedh, le may fia war benn-dewlin ha'y dhiwleuv ystynnys dhe nev;

Ezra 9:5

Hag orth offrynn an gorthugher my a sevis a-dhiworth ow uvelheans; ha'm dillas ha'm mantell skwardys, my a goedhas war benn-dewlin, ha lesa ow diwla dhe'n Arloedh ow Duw,

Job 27:20

Browaghow a dheu dresto kepar ha liv; korwyns a'n kib dhe-ves y'n nos.

Job 35:13

Yn sur ny glew Duw kri gwag, ny wra an Ollgalloesek vri anodho.

Salmow 134:2

Drehevewgh agas diwleuv y'n sentri, ha bennigewgh an Arloedh.

Salmow 55:1

Ro skovarn, A Dhuw, dhe'm pysadow, ha na omgudh rag ow govynnadow.

Salmow 66:18

Mar kwellen vy sherewneth y'm kolonn, ny'm klewsa an Arloedh.

Eksodus 9:29

Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

Lavarow Koth 1:28

Ena i a elow warnav, mes ny wrav vy gorthybi, i a wra ow hwilas dihwans, mes ny'm kevons.

Lavarow Koth 6:17

lagasow goethus, taves gowek, diwla hag a skoell goes gwiryon,

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ysay 45:15

Yn hwir ty yw Duw a omgudh, A Dhuw Ysrael, an Selwador.

Ysay 58:4

Otta, hwi a benys rag gul strif ha freudh ha dhe weskel gans dorn dhrog. Penys kepar dell esowgh orth y wul y'n jydh ma ny yll gul dh'agas lev bos klewys y'n ughelder.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Ezekiel 11:6

Hwi re ladhas lies y'n sita ma, ha lenwel hy stretys a gorfow.

Ezekiel 14:3

Mab den, an wer ma re dhrehevis aga idolys yn aga holonnow, ha gorra aga anewnder a-ragdha avel ken a drebuchya. A wrav vy aga gasa dhe hwilas orthiv?

Ezekiel 39:23

Ha'n kenedhlow a woer, chi Ysrael dhe vos yn kethneth drefenn aga drogobereth, rag i dhe vos dislel dhymm. Ytho my a gudhas ow fas dhiworta, ha'ga ri yn leuv aga eskerens, hag i oll a goedhas der an kledha.

Hosea 5:6

I a wra mos gans aga flokkys ha'ga gwarthek dhe hwilas an Arloedh, mes ny'n kevons; ev re gildennas anedha.

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 6:7

‘Ha hwi pan byssowgh, na glappyewgh gans geryow euver avel an baganys, rag i a dyb i dhe vos klewys der aga geryow pals.

Yowann 9:31

Ni a woer na glew Duw peghadoryon, mes mars yw den gordhyer a Dhuw, hag ow kul y volonjedh, ev a wra y glewes.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.