Ysay 1:11 - An Bibel Kernewek 20234 (Kernewek Kemmyn)

¹¹ Pandra yw dhymm sakrifisow pals? yn-medh an Arloedh. Gwalghys ov a offrynnow leskys a hordhes ha blonek lodhnow peskys. Nyns eus dhymm delit yn goes terewi, nag eyn gorow, na gever.

Ysay 1:11 ပူးပေါင်းရင်းမြစ်များ

Salmow 40:6

Nyns osta hwansek dhe sakrifis hag offrynn; mes ty re igoras ow diwskovarn. Offrynn leskys hag offrynn peghes ny wovynnsys.

Salmow 50:8

Ny'th keredhav drefenn dha offrynnow, ha prest a-dheragov yma dha offrynnow leskys.

Salmow 51:16

Nyns osta hwansek dhe sakrifis, poken my a'n rosa dhis; ny gemmerydh plesour yn offrynnow leskys.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Yeremia 7:21

Yndellma y lever Arloedh an luyow, Duw Ysrael: Keworrewgh agas offrynnow leskys dh'agas sakrifisow, ha dybri kig.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Amos 4:5

offrynnewgh sakrifis a rasyans gans bara goell ha gelwewgh tus dhe offrynnow bolonjedhek, deklaryewgh i; rag hemm yw agas bodh, A vebyon Ysrael, yn-medh an Arloedh Duw.

Amos 5:21

Kasa ha dispresya agas goelyow a wrav, ha ny garav sawer agas kuntellesow solem.

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Mika 6:7

A vydh an Arloedh pes da a vil hordh, gans degow a vilyow a avonyow oyl? A rov vy ow hynsa genys rag ow hammweyth, frut ow horf rag peghes ow enev?’

Haggay 2:14

Ha Haggay a worthybis ow leverel: Yndella yw an bobel ma, hag yndella yw an kenedhel ma a dheragov, yn-medh an Arloedh: hag yndella yw gwriansow oll aga diwleuv, hag avlan yw an pyth a offrynnons ena.

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Niverow 7:45

unn tarow yowynk, unn hordh, unn oen gorow a unn bloedh, rag offrynn leskys;

Matthew 22:4

Arta ev a dhannvonas kethwesyon erell, ow leverel, “Derivewgh dhe'n dus a veu gelwys, Awotta, my re bareusis ow hevewi, ledhys yw ow oghen ha'm lodhnow peskys; pup-tra oll yw parys; dewgh dhe'n demmedhyans.”

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.