Yowann 6:63 - An Bibel Kernewek 20234 (Kernewek Kemmyn)

⁶³ An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Yowann 6:63 ပူးပေါင်းရင်းမြစ်များ

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Salmow 119:130

Diskwedhyans dha eryow a re golow; ev a re skians dhe'n re sempel.

Salmow 119:50

Hemm yw ow honfort y'm anken, rag dha lavar re'm bewhas.

Salmow 119:93

Bynitha ny ankovav dha arghadowyow, rag dredha ty re'm bewhas.

Lavarow Koth 4:13

Syns fast dyskans, na as ev dhe vos dhe wari; gwith e, rag ev yw dha vewnans.

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.

Oberow 5:20

‘Kewgh, sevewgh y'n tempel ha kewsewgh dhe'n bobel oll an geryow a'n bewnans ma.’

Romanyon 10:17

Ytho fydh a dheuth a glewes, ha'n klewes dre eryow Krist.

Romanyon 2:25

An trodreghyans yw dhe les yn tiogel mars os gostydh dhe'n lagha; mes mar terrydh an lagha, dha drodreghyans yw gyllys dhe antrodreghyans.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 15:45

Yndella skrifys yw, ‘An kynsa den Adam a dheuth ha bos enev bew’; an Adam diwettha a dheuth ha bos spyrys a re bewnans.

Galatianys 5:25

Mar pewyn der an Spyrys, kerdhyn ynwedh der an Spyrys.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Galatianys 6:15

Rag ny amont mann naneyl trodreghyans nag antrodreghyans, saw unnsel kreasyon nowydh.

Dewteronomi 32:47

Rag nyns yw hemma tra drufel ragowgh, mes agas bewnans yw; ha der an dra ma hwi a hirha agas dydhyow war an tir mayth esowgh ow treusi an Yordan di dh'y erita.’

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.

Ebrowyon 13:9

Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

1 Peder 1:23

Ny vewgh hwi dastineythys dre has a yll pedri, mes dre has na yll pedri dre er Duw, ow pewa hag ow pesya.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,