Yowann 4:34 - An Bibel Kernewek 20234 (Kernewek Kemmyn)

³⁴ Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 4:34 ပူးပေါင်းရင်းမြစ်များ

Job 23:12

Ny dhiberthis dhiworth gorhemmynnow y dhiwweus; my re dresoryas geryow y anow y'm askra.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Matthew 26:39

Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Matthew 9:19

Ha Yesu a sevis ha mos war y lergh, hag ynwedh y dhyskyblon.

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 19:10

Rag Mab an den a dheuth dhe hwilas ha dhe selwel an dra yw kellys.’

Luk 2:49

Hag ev a leveris dhedha, ‘Prag y'm hwilewgh? A ny wodhvewgh bos res my dhe vos yn chi ow Thas?’

Yowann 17:4

My re'th glorifiis war an norvys, ow kowlwul an ober a resys dhymm dhe wul.

Yowann 19:28

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Yowann 19:30

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.

Yowann 4:32

Mes yn-medh ev dhedha, ‘Yma dhymm boes ma na wodhowgh hwi anodho.’

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 5:36

Mes yma dhymm dustuni brassa es dell esa dhe Yowann; rag an oberow a ros dhymm an Tas dhe gowlwul, an oberow na a wrav, i a dheg dustuni ahanav, an Tas dhe'm dannvon.

Yowann 6:33

Rag bara Duw yw ev neb a dheu yn-nans dhiworth nev hag a re bewnans dhe'n bys.’

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.