Yowann 4:14 - An Bibel Kernewek 20234 (Kernewek Kemmyn)

¹⁴ mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 4:14 ပူးပေါင်းရင်းမြစ်များ

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 31:25

Rag my re walghas an enev skwith, ha pub enev ahwerek my a dhaslenow.

Ezekiel 47:9

Plepynag yth a an avon, pub kreatur bew ow hesya a vew, hag y fydh puskes pur lies drefenn an dowrow a dheu di. Y fydhons yaghhes, ha pup-tra a vew plepynag a dheu an avon.

Levitikus 11:36

Byttegyns, fenten po puth mayth yw dowr kreunys ynno a vydh glan, mes an pyth a doch aga horfow a vydh avlan.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Yowann 10:10

Ny dheu lader saw dhe ladra, ha ladha, ha distrui; my yw devedhys rag may fo dhedha bewnans, ha may fo dhedha palster anodho.

Yowann 11:26

ha pubonan neb a vew hag a grys ynnov vy, ny verow bynitha. A grysydh hemma?’

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:11

Yn-medh an venyn dhodho, ‘Syrra, nyns eus genes na hwath kelorn, ha'n puth yw down; ytho a-ble kevydh an dowr bew na?

Yowann 4:13

Yesu a worthybis ha leverel dhedhi, ‘Peub a yv a'n dowr ma a'n jevydh syghes arta;

Yowann 4:36

An myser a gyv y arveth, hag a guntell frut rag bewnans heb diwedh, rag may lowenhaho war-barth an haser ha'n myser.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:35

Yesu a leveris dhedha, ‘My yw an bara a vewnans; neb a dheu dhymmo vy ny'n jevydh nown bynitha, ha neb a grys ynnov vy ny'n jevydh syghes nevra.

Yowann 6:58

Hemm yw an bara a dheuth yn-nans dhiworth nev. Nyns yw kepar ha pan dhybri an tasow, hag i a verwis; neb a dheber an bara ma a vew bynitha.’

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

2 Korinthianys 1:22

neb re'gan selyas ha ri dhyn mewgh an Spyrys yn agan kolonnow.

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 7:16

Ny's tevydh nown namoy, na syghes. Ha'n howl ny wra koedha warnedha, na toemmder vyth.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’