Yowann 19:28 - An Bibel Kernewek 20234 (Kernewek Kemmyn)

²⁸ Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Yowann 19:28 ပူးပေါင်းရင်းမြစ်များ

Salmow 22:15

Ow nerth yw desyghys avel darn a briweyth, ha'm taves a len orth ow grudh; ha ty a'm gorr yn doust ankow.

Salmow 69:21

I a ros dhymm ynwedh bystel rag ow boes, hag y'm syghes i a ros dhymm aysel.

Luk 12:50

Yma besydh dhymm dhe vos besydhys ganso, hag ass ov vy stroethys bys pan vo kowlwrys!

Luk 18:31

Ena ev a gemmeras an dewdhek a'n eyl tu ha leverel dhedha, ‘Otta, ni a yn-bann dhe Yerusalem, ha pup-tra skrifys gans an brofoesi a-dro dhe Vab an den a vydh kowlwrys.

Luk 22:37

Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Luk 9:31

neb a omdhiskwedhas yn golewder, ha kewsel a'y dhibarth a vedha orth hy hollenwel yn Yerusalem.

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 17:4

My re'th glorifiis war an norvys, ow kowlwul an ober a resys dhymm dhe wul.

Yowann 18:4

Rakhenna Yesu, ow kodhvos pup-tra a vedha ow hwarvos dhodho, eth yn-rag ha leverel dhedha, ‘Piw a hwilowgh?’

Yowann 19:24

Yn-medhons ytho an eyl dh'y gila, ‘Na wren hy skwardya, mes gwren ni tewlel prenn rygdhi, piw y fydh dhodho’; may fe kollenwys an skryptor a lever, ‘I a rannas ow dillas yntredha, ha war ow gwisk i a dewlis prenn.’ Ytho an soudoryon a wrug an taklow ma.

Yowann 19:30

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.

Yowann 19:36

Ha'n taklow ma a hwarva may fe kollenwys an skryptor, ‘Ny vydh askorn anodho terrys.’

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Oberow 13:29

Ha pan gowlwrussens pup-tra re bia skrifys yn y gever, i a'n kemmeras yn-nans dhiworth an wydhenn ha'y worra yn bedh.