Yowann 18:28 - An Bibel Kernewek 20234 (Kernewek Kemmyn)

²⁸ Ena i a hembronkas Yesu dhiworth Kayfas bys y'n pretorium. Myttin a-varr o hi. Nyns ethons i aga honan a-bervedh y'n pretorium, ma na vens i defolys, mes may hallens dybri an pask.

Yowann 18:28 ပူးပေါင်းရင်းမြစ်များ

Salmow 35:16

Avel tus ongrassyes i a wrug ges ahanav, i a dheskornas aga dyns orthiv.

Lavarow Koth 1:16

rag aga threys a boen dhe dhroktra, hag i a fysk rag skoellya goes.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Ezekiel 45:21

Y'n kynsa mis, yn peswardhegves dydh an mis, y fydh dhywgh an pask, goel a seyth dydh; bara heb goell a vydh dybrys.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Matthew 27:27

Ena soudoryon an governour a worras Yesu dhe'n pretorium hag a guntellas oll an bagas a soudoryon a-dro dhodho.

Mark 15:16

Ha'n soudoryon a'n hembronkas yn-kerdh a-bervedh y'n palys, henn yw an pretorium, hag i a elwis war-barth oll an bagas a soudoryon.

Luk 22:66

Pan dheuth an jydh, konsel henavogyon an bobel a omguntellas, pennoferysi ha skribys, hag i a'n dros a-rag aga honsel

Yowann 11:55

Ha pask an Yedhewon o ogas, ha lies eth yn-bann dhiworth an pow kyns an pask, dhe omlanhe.

Yowann 18:13

Hag i a'n hembronkas dhe-ves yn kynsa dhe Annas, neb o hwegron Kayfas, neb o arghoferyas an vlydhen na.

Yowann 18:15

Ha Simon Peder a siwyas Yesu, ha dyskybel arall. An dyskybel na o aswonnys dhe'n arghoferyas, hag ev eth gans Yesu a-bervedh yn klos an arghoferyas.

Yowann 18:33

Ena Pilat eth arta a-bervedh y'n lys, ha gelwel Yesu ha leverel dhodho, ‘Osta myghtern an Yedhewon?’

Yowann 18:39

Mes yma dhywgh us, my dhe dhelivra unn den dhywgh y'n pask. A vynnowgh ytho my dhe dhelivra dhywgh myghtern an Yedhewon?’

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Yowann 19:14

Ha dydh darbar an pask o, a-dro dhe'n hweghves eur. Hag yn-medh ev dhe'n Yedhewon, ‘Awotta agas myghtern!’

Yowann 19:9

hag ev eth a-bervedh y'n lys arta, ha leverel dhe Yesu, ‘A-ble osta?’ Mes ny ros Yesu gorthyp dhodho.

Oberow 10:28

ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Oberow 10:32

Dannvon, ytho, dhe Yoppa ha dannvon war-lergh Simon henwys Peder; ymava owth ostya yn chi Simon, dyghtyer kreghyn, ryb an mor.”

Oberow 11:3

ow leverel, ‘Ty eth a-ji gans gwer antrodreghys ha dybri gansa.’

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

Dewteronomi 16:2

Sakrifi pask dhe'n Arloedh dha Dhuw dhiworth an deves po an chatel y'n tyller a wra an Arloedh y dhewis dhe wul dh'y hanow triga ena.