Yowann 17:6 - An Bibel Kernewek 20234 (Kernewek Kemmyn)

⁶ ‘My re dhiskwedhas dha hanow dhe'n dus a resys dhymm yn-mes a'n bys. Dhiso jy yth ens, ha ty a's ros dhymm, hag i re withas dha er.

Yowann 17:6 ပူးပေါင်းရင်းမြစ်များ

Salmow 119:11

Dha lavarow re gudhis y'm kolonn, ma na begghiv er dha bynn.

Salmow 22:22

My a dheriv dha hanow dhe'm breder; yn mysk an kuntelles my a'th wormel.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Lavarow Koth 2:10

rag furneth a dheu a-ji y'th holonn, ha godhvos a vydh hweg dhe'th enev.

Lavarow Koth 23:23

Pren gwiryonedh ha na'n gwerth, pren furneth, dyskans ha konvedhes.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 12:28

A Das, gwra glorifia dha hanow.’ Ena lev a dheuth dhiworth nev, ‘My a'n glorifias, ha my a'n glorifi arta.’

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Yowann 15:3

Hwi yw glan seulabrys, drefenn an ger a gewsis dhywgh.

Yowann 15:7

Mar trigowgh ynnov, ha'm geryow mar trigons ynnowgh, govynnewgh pypynag a vynnowgh, ha gwrys vydh ragowgh.

Yowann 17:12

Pan esen gansa, my a's synsis y'th hanow jy hag a resys dhymm, ha my a's gwithas, ha ny veu denvyth anedha kellys, marnas an mab a dhiswrians, may fe kollenwys an skryptor.

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 17:16

Nyns yns i a'n bys, kepar dell nag ov vy a'n bys.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Yowann 17:26

My a dherivas dhedha dha hanow, ha my a wra y dherivas, may fo ynna i an gerensa dredhi may hwrussys ow hara vy, ha my ynna i.’

Yowann 17:7

Lemmyn i a woer, pup-tra re resys dhymm dhe vos ahanas jy.

Yowann 18:9

may fe kollenwys an lavar a leveris ev, ‘A'n re a resys dhymm, ny gellis vy nagonan.’

Yowann 6:37

Pup-tra a re an Tas dhymm a dheu dhymm, ha piwpynag a dheffo dhymm, ny wrav vy nevra y dewlel mes.

Yowann 6:39

Ha hemm yw bolonjedh neb a'm dannvonas, ma na wrylliv kelli travyth a bup-tra re ros ev dhymm, mes y dhrehevel yn-bann dydh fin.

Yowann 8:51

Yn hwir, yn hwir y lavarav dhywgh, piwpynag a wittho ow ger, ny welvydh mernans bynitha.’

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”

Oberow 13:48

Ha pan glewas an Jentilys hemma, i a lowenhas hag enora ger an Arloedh, ha myns o ragordenys dhe vewnans heb diwedh a grysis,

Romanyon 11:2

Ny dewlis Duw y bobel dhe-ves neb a ragaswonnis ev. Po a ny wodhowgh hwi pandr'a lever an skryptor a-dro dhe Elias, fatell bys ev Duw erbynn Ysrael?

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

2 Timothi 1:13

Gwith an patron a lavarow yagh a glewsys dhiworthiv y'n fydh ha'n kerensa esa yn Krist Yesu.

Ebrowyon 2:12

ow leverel, ‘My a dheriv dha hanow dhe'm breder, yn mysk an kuntelles my a'th wormel.’

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

1 Peder 1:1

Peder, abostol Yesu Krist dhe'n bobel dhewisys, godrigoryon skattrys yn Pontus, Galatia, Kappadokia, Asia, ha Bithynia,

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 3:8

‘My a aswonn dha wriansow. Otta, my re worras daras igerys a-dheragos, ha denvyth ny yll y dhegea; rag bos krevder byghan genes, ha re withsys ow ger, ha ny neghsys ow hanow.