Yowann 17:11 - An Bibel Kernewek 20234 (Kernewek Kemmyn)

¹¹ Ha lemmyn nyns esov vy y'n bys namoy, mes an re ma ymons y'n bys, ha my a dheu dhis. A Das sans, gwra aga gwitha y'th hanow jy hag a resys dhymm, may fons i onan kepar dell on nyni.

Yowann 17:11 ပူးပေါင်းရင်းမြစ်များ

Salmow 79:9

Gweres dhyn ni, A Dhuw agan selwyans, a-barth golewder dha hanow; gwra agan delivra, ha kudh agan peghosow, a-barth dha hanow.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 27:3

My, an Arloedh, a's gwith; prest my a wra hy dowrhe. My a's gwith mo ha myttin rag na's pystikko nagonan.

Ysay 64:2

Kepar dell wra tan enowi kewydh ha gul dhe dhowr bryjyon, diyskynn dhe wul dha hanow aswonnys dhe'th eskerens, may krenno a-ragos an kenedhlow!

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Ezekiel 20:44

Hwi a woer my dhe vos an Arloedh pan wrav vy yn ta genowgh a-barth ow hanow, a-der war-lergh agas drog fordhow ha'gas gwriansow legrys, a ji Ysrael, yn-medh an Arloedh Duw.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Matthew 6:9

‘Yn kettellma ytho, gwrewgh pysi: Agan Tas ni eus y'n nevow, sanshes re bo dha hanow;

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 13:3

ow kodhvos an Tas dhe ri pup-tra oll ynter y dhiwleuv, hag ev dhe dhos dhiworth Duw ha dehweles dhe Dhuw,

Yowann 14:20

Y'n jydh na hwi a wodhvydh my dhe vos y'm Tas, ha hwi ynnov vy, ha my ynnowgh hwi.

Yowann 16:28

My a dheuth dhiworth an Tas, ha devedhys ov y'n bys; arta my a as an bys, ha mos dhe'n Tas.’

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 17:23

my ynna i, ha ty ynnov vy, may fons i gwrys perfydh yn onan, may hwodhvo an bys ty dhe'm dannvon, ha'ga hara i kepar dell wrussys ow hara vy.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 17:6

‘My re dhiskwedhas dha hanow dhe'n dus a resys dhymm yn-mes a'n bys. Dhiso jy yth ens, ha ty a's ros dhymm, hag i re withas dha er.

Yowann 7:33

Ytho Yesu a leveris, ‘Pols byghan yth esov vy hwath genowgh, hag ena yth av dhe neb a'm dannvonas.

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

Romanyon 12:5

yndella ni, pals dell on, unn korf on yn Krist ha pub huni eseli an eyl a'y gila.

Romanyon 9:17

Rag an skryptor a lever dhe Faro, ‘My re'th sevis rag an keth tra ma may tiskwetthiv dhis ow galloes ynnos ha may fo dyllys ow hanow vy y'n norvys oll.’

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Efesianys 4:4

Yma unn korf hag unn Spyrys, kepar dell vewgh gelwys yn unn govenek a'gas galow;

Filippianys 2:9

Rag hemma, Duw a'n ughelhas yn feur ha ri dhodho an hanow yw dres pub hanow,

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Yowann 3:12

Nyns yw avel Kayn, esa a'n tebel el, hag a voldras y vroder. Ha prag y'n moldras? Drefenn bos y oberow y honan drog, ha bos re y vroder da.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist:

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 19:12

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan.

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’