Yowann 16:33 - An Bibel Kernewek 20234 (Kernewek Kemmyn)

³³ My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 16:33 ပူးပေါင်းရင်းမြစ်များ

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Mika 5:5

Ha'n den ma a vydh kres. Pan dheffo Asshur yn agan tir ha trettya war agan gweres, ni a dhrehav er y bynn seyth bugel hag eth penntern a dus;

Matthew 9:2

Hag ena i a dhug dhodho unn palsi a'y wrowedh war weli. Yesu pan welas aga fydh a leveris dhe'n palsi, ‘Gwellha dha jer, ow flogh; gevys yw dha beghosow.’

Luk 19:38

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Yowann 16:11

hag a-dro dhe vreus, rag pryns an bys ma yw breusys.

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Oberow 27:22

Lemmyn my a'gas kusul a wellhe agas cher, rag ny vydh koll a'gas bewnans, saw unnsel a'n gorhel.

Oberow 27:25

Rakhenna, gwellhewgh agas cher, A wer; rag my a grys Duw, y fydh kepar dell veu leverys dhymm.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

2 Korinthianys 1:3

Benniges re bo Duw ha Tas agan Arloedh Yesu Krist, Tas a druedhow ha Duw a gonfort oll,

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

2 Korinthianys 6:4

mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

2 Korinthianys 7:4

Hardhder meur a'm beus orthowgh hwi; meur yw ow bostyans ynnowgh. My re beu lenwys a gonfort; yn oll agan galar ow joy a balsha.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Galatianys 6:14

Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Filippianys 4:7

Ha kres Duw a dremen pub konvedhes a wra gwitha agas kolonn ha'gas brys yn Krist Yesu.

Kolossianys 1:20

ha dredho dhe unnverhe pup-tra dhodho, po taklow war an nor po taklow y'n nevow, ow kul kres dre woes y grows.

1 Thessalonianys 3:4

rag ni a leveris dhywgh kyns, hwath pan esen ni genowgh hwi, y fedhen gweskys, kepar dell hwarva yn hwir, dell wodhowgh.

1 Thessalonianys 3:7

rakhenna kennerthys en ni, a vreder, a-dro dhywgh, yn agan galar ha'gan anken oll der agas fydh.

2 Thessalonianys 3:16

Ha'n Arloedh a gres y honan roy dhywgh kres pup-prys yn pub maner. Re bo an Arloedh genowgh hwi oll.

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

Ebrowyon 11:25

ow tewis, yn le hemma, kevrenna tebel dhyghtyans pobel Duw kyns es lowenhe pols yn plesour peghosow.

Ebrowyon 7:2

ha dhodho Abraham a gevrennas ‘degves rann a bup-tra.’ Ev yw kynsa, dre dreylyans y hanow, ‘myghtern ewnder’, hag ena ynwedh, myghtern Salem, henn yw ‘myghtern kres.’

1 Peder 5:9

Sevewgh orto, fyrv y'n fydh, ow kodhvos an keth godhevyans dhe hwarvos dh'agas breder usi y'n bys.

1 Yowann 2:13

My a skrif dhywgh hwi, tasow, drefenn hwi dh'y aswonn neb usi a-dhia'n dalleth. My a skrif dhywgh, gwer yowynk, drefenn hwi dhe fetha an tebel el. My a skrif dhywgh hwi, fleghigyow, drefenn hwi dhe aswonn an Tas.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Yowann 5:4

Rag piwpynag a vo genys a Dhuw a feth an bys. Ha hemm yw an budhogoleth a fethas an bys: agan fydh.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

Breusysi 3:2

(ny wrug ev henna marnas dhe dhyski dhe henedhow mebyon Ysrael batalyas, an re na'n dhys'sa kyns).