Yowann 16:20 - An Bibel Kernewek 20234 (Kernewek Kemmyn)

²⁰ Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Yowann 16:20 ပူးပေါင်းရင်းမြစ်များ

Job 20:5

mayth yw heudh an re dhidhuw berr, hag unn pols byghan yw lowena an debelwas?

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 97:11

Golow a dardh rag an re wiryon, ha lowena rag an re ewnhynsek aga holonn.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Yeremia 31:25

Rag my re walghas an enev skwith, ha pub enev ahwerek my a dhaslenow.

Matthew 21:38

Mes an diogyon, pan welsons an mab a leveris an eyl dh'y gila, “Hemm yw an her; dewgh, gwren ni y ladha ha kavoes y ertach!”

Matthew 5:4

‘Gwynn aga bys an re usi ow kalari, rag i a vydh konfortys.

Mark 14:72

Hag a-dhesempis an kulyek a ganas an nessa gweyth. Ha Peder a borthas kov a'n ger a leveris Yesu dhodho, ‘Kyns es an kulyek dhe gana diwweyth, ty a'm denagh teyrgweyth.’ Hag ev a dhallathas oela.

Mark 16:10

Hi eth dhe dherivas dhe'n re neb re bia ganso ev, hag i ow kyni hag owth oela.

Luk 22:45

Ha pan sevis dhiworth an pysadow, ev a dheuth dhe'n dhyskyblon ha'ga havoes ow koska drefenn galar,

Luk 22:62

Hag ev eth yn-mes hag oela yn tynn.

Luk 23:27

Routh veur a'n bobel a'n siwya, hag a venynes owth omweskel hag ow kyni ragdho.

Luk 24:17

Hag yn-medh ev dhedha, ‘Pandra yw an keskowsow ma usi genowgh an eyl gans y gila, ha hwi ow kerdhes, trist agas semlans?’

Luk 24:21

Mes ni a'gan bo govenek ev dhe vos neb a vedha ow tasprena Ysrael. Byttegyns gans henna oll, an tressa dydh yw lemmyn a-ban hwarva hemma.

Luk 6:21

Gwynn agas bys neb a berth nown lemmyn, rag hwi a vydh lenwys. Gwynn agas bys neb a oel, rag hwi a hwerth.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 16:6

Mes rag my dhe leverel hemma dhywgh, tristyns re lenwis agas kolonn.

Yowann 20:20

Ha wosa leverel hemma, ev a dhiskwedhas dhedha y dhiwleuv ha'y denewen. Ytho an dhyskyblon a lowenhas, ow kweles an Arloedh.

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

2 Korinthianys 6:10

keudhys, hwath prest ow lowenhe; boghosek, hwath ow kul dhe lies bos rych; heb travyth, hwath ni a bew pup-tra.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

1 Thessalonianys 1:6

Ha hwi a dheuth ha bos holyoryon a'gan ensampel ni, hag a'n Arloedh, ow tegemmeres an ger yn galar bras gans lowena an Spyrys Sans,

Jamys 1:2

Tybewgh pup-tra dhe vos lowena, ow breder, pan goedhowgh yn provow divers,

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”