Yowann 15:11 - An Bibel Kernewek 20234 (Kernewek Kemmyn)

¹¹ My re gewsis an taklow ma dhywgh may fo ow lowena ynnowgh, ha may fo agas lowena kollenwys.

Yowann 15:11 ပူးပေါင်းရင်းမြစ်များ

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Luk 15:23

Ha drewgh an leugh peskys ha'y ladha, ha gwren ni dybri ha bos lowen,

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Luk 15:5

Ha pan y's kyv, ev a's gorr war y dhiwskoedh gans lowena,

Luk 15:9

Ha pan y'n kyv, hi a elow hy howethesow ha'y hentrevogyon war-barth ow leverel, “Bedhewgh lowen genev, rag my re gavas an draghma a gellis vy.”

Yowann 16:24

Bys lemmyn ny wovynnsowgh travyth y'm hanow vy; govynnewgh ha hwi a dhegemmer, rag may fo agas lowena kollenwys.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 17:13

Mes lemmyn y tov dhis, ha'n taklow ma a gowsav y'n bys, rag ma's teffo ow lowender kowlwrys ynna aga honan.

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

2 Korinthianys 1:24

Nyns yw ni dhe routya agas fydh, mes kesoberoryon on ni genowgh rag agas joy: rag y'n fydh y sevowgh fyrv.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

Filippianys 1:25

Sur ov vy a-dro dhe hemma, ha my a woer my dhe wortos ha pesya genowgh rag agas avonsyans ha lowena y'n fydh,

1 Thessalonianys 5:16

Lowenhewgh pup-prys.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Yowann 1:4

Ha'n re ma a skrifyn dhywgh rag may fo agan lowender leun.

2 Yowann 1:12

Yma genev lies tra dhe skrifa dhis, mes ny via da genev skrifa gans paper hag ynk: mes y trestyav my dhe dhos dhis, ha kewsel fas orth fas, rag may fo agan lowender leun.