Yowann 14:27 - An Bibel Kernewek 20234 (Kernewek Kemmyn)

²⁷ Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Yowann 14:27 ပူးပေါင်းရင်းမြစ်များ

2 Kroniklys 20:30

Gwlaskor Yehoshafat o kosel, rag y Dhuw a ros dhodho powes oll a-derdro.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 11:1

Y'n Arloedh y hwilav skovva; fatell yllowgh leverel dhe'm enev, ‘Nij dhe'n menydh avel edhen?

Salmow 112:7

Ny berth own a dhrog nowodhow; sad yw y golonn, hag ev a drest y'n Arloedh.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 28:3

Na'm kemmer vy dhe-ves gans an debeles na gans an dhrogoberoryon, neb a lever kres gans aga hynsa, ha dregynn yn aga holonn.

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Salmow 56:11

yn Duw y trestyav, ny borthav own; pandr'a yll den dhe wul er ow fynn?

Salmow 56:3

Y'n jydh may porthav own my a drest ynnos jy.

Salmow 72:2

Re vreusso ev dha bobel gans ewnder, ha'th voghosogyon gans gwirvreus.

Salmow 72:7

Re vleujyowo gwiryonedh yn y dhydhyow, ha palster kres, erna hettho an loer.

Salmow 85:10

Tregeredh ha gwirder re omguntellas; ewnder ha kres re ammas an eyl dh'y gila.

Salmow 91:5

Ny berthydh own a euthekter y'n nos, nag a'n seth a nij y'n jydh;

Lavarow Koth 3:25

Na borth own a skruth distowgh, nag a dhiswrians a dheu war an debeles;

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Ysay 55:12

Rag yth ewgh yn-mes yn lowender, ha bos hembrenkys yn kres; an menydhyow ha'n breow a arm a-ragowgh gans joy, hag oll gwydh an gwel a dak diwleuv.

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 1:8

Na borth own a-ragdha, rag yth esov genes, dhe'th telivra, yn-medh an Arloedh.’

Kynvannow 3:17

Ty re bellhas ow enev dhiworth kres, ny berthis kov a sewena.

Ezekiel 2:6

Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Daniel 4:1

Nebukadnessar an myghtern, dhe oll an poblow, an kenedhlow ha'n tavosow trigys y'n norvys oll: Pals re bo agas kres!

Daniel 6:25

Ena myghtern Darius a skrifas dhe oll an poblow, kenedhlow ha tavosow trigys y'n norvys oll: ‘Pals re bo agas kres!

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Niverow 6:26

An Arloedh re dhrehaffo y fas warnas, ha ri dhis kres.

Matthew 10:26

‘Rakhenna na berthewgh own anedha; rag nyns eus travyth kudhys na vo diskudhys, po kelys na vo aswonnys.

Luk 1:79

dhe ri golow dhe'n re esedhys yn tewlder hag yn skeus ankow, ha dhe hembronk agan treys yn fordhow kres.’

Luk 10:5

Hag yn py chi pynag yth ellowgh, leverewgh kyns oll, “Kres dhe'n chi ma.”

Luk 12:4

‘My a lever dhywgh, ow howetha, na berthewgh own a'n re a ladh an korf ha wosa henna ny yllons gul travyth moy.

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 20:19

Ena yn gorthugher an keth jydh ma, an kynsa dydh a'n seythun, ha'n darasow deges le mayth esa an dhyskyblon rag own a'n Yedhewon, Yesu a dheuth ha sevel yn aga mysk, ha leverel dhedha, ‘Kres dhywgh.’

Yowann 20:21

Ena yn-medh Yesu dhedha arta, ‘Kres dhywgh. Kepar dell wrug ow Thas ow dannvon vy, yndella my a's dannvon hwi.’

Yowann 20:26

Ha dhe benn eth dydh, yth esa y dhyskyblon a-bervedh arta, ha Tommas gansa. Yesu a dheuth, ha'n darasow deges, ha sevel y'n kres ha leverel, ‘Kres dhywgh.’

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 18:9

Hag y'n nos, an Arloedh a leveris dhe Powl yn gwelesigeth, ‘Na borth own, mes kows ha na daw,

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 5:1

Rag a-ban on justifiys dre fydh, kres a'gan beus gans Duw der agan Arloedh Yesu Krist

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 8:6

Rag brys an kig yw mernans, mes brys an Spyrys yw bewnans ha kres.

1 Korinthianys 1:3

Gras dhywgh hwi ha kres dhiworth Duw agan Tas ha'n Arloedh Yesu Krist.

Galatianys 1:3

Gras dhywgh ha kres dhiworth Duw agan Tas ha'n Arloedh Yesu Krist,

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Galatianys 6:16

Ha kemmys a gerdh war-lergh an rewl ma, re bo kres warnedha ha tregeredh, ha war Ysrael Duw.

Filippianys 4:7

Ha kres Duw a dremen pub konvedhes a wra gwitha agas kolonn ha'gas brys yn Krist Yesu.

Kolossianys 1:2

Dhe'n syns ha dhe'n vreder lel yn Krist yn Kolosse: Gras dhywgh hwi ha kres dhiworth Duw agan Tas.

Kolossianys 1:20

ha dredho dhe unnverhe pup-tra dhodho, po taklow war an nor po taklow y'n nevow, ow kul kres dre woes y grows.

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.

2 Thessalonianys 1:2

Gras dhywgh hwi ha kres dhiworth Duw agan Tas ha'n Arloedh Yesu Krist.

2 Thessalonianys 3:16

Ha'n Arloedh a gres y honan roy dhywgh kres pup-prys yn pub maner. Re bo an Arloedh genowgh hwi oll.

2 Timothi 1:7

Rag ny ros Duw dhyn spyrys ownek mes spyrys a alloes, a gerensa hag a omrewl.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 7:2

ha dhodho Abraham a gevrennas ‘degves rann a bup-tra.’ Ev yw kynsa, dre dreylyans y hanow, ‘myghtern ewnder’, hag ena ynwedh, myghtern Salem, henn yw ‘myghtern kres.’

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’