Yowann 14:20 - An Bibel Kernewek 20234 (Kernewek Kemmyn)

²⁰ Y'n jydh na hwi a wodhvydh my dhe vos y'm Tas, ha hwi ynnov vy, ha my ynnowgh hwi.

Yowann 14:20 ပူးပေါင်းရင်းမြစ်များ

Yowann 10:38

Mes mar kwrav, kyn na wrewgh krysi dhymm, krysewgh an oberow, rag may hwryllowgh godhvos ha krysi an Tas dhe vos ynnov vy, ha my y'n Tas.’

Yowann 14:10

A ny grysydh my dhe vos y'n Tas, ha'n Tas dhe vos ynnov vy? An geryow a gowsav dhywgh, ny's kowsav ahanav vy ow honan, mes an Tas neb a drig ynnov a wra y oberow.

Yowann 14:11

Krysewgh dhymm, my dhe vos y'n Tas ha'n Tas ynnov vy; poken krysewgh drefenn an oberow aga honan.

Yowann 16:23

Hag y'n jydh na ny wrewgh govynn orthiv travyth. Yn hwir, yn hwir y lavarav dhywgh, pypynag a wovynnowgh a'n Tas y'm hanow vy, ev a'n re dhywgh.

Yowann 16:26

Y'n jydh na hwi a wovynn y'm hanow vy ha ny wrav leverel dhywgh my dhe bysi an Tas ragowgh;

Yowann 17:11

Ha lemmyn nyns esov vy y'n bys namoy, mes an re ma ymons y'n bys, ha my a dheu dhis. A Das sans, gwra aga gwitha y'th hanow jy hag a resys dhymm, may fons i onan kepar dell on nyni.

Yowann 17:26

My a dherivas dhedha dha hanow, ha my a wra y dherivas, may fo ynna i an gerensa dredhi may hwrussys ow hara vy, ha my ynna i.’

Yowann 17:7

Lemmyn i a woer, pup-tra re resys dhymm dhe vos ahanas jy.

Yowann 6:56

Piwpynag a dheppro ow hig hag eva ow goes a drig ynnov vy, ha my ynno ev.

Romanyon 16:7

Salusewgh Andronikus ha Yunia, ow herens ha'm kesprisnoryon, hag yw tus a vri yn mysk an abesteli, hag yn tevri re beu yn Krist a-ragov.

Romanyon 8:1

Lemmyn nyns eus dampnya rag an re usi yn Krist Yesu.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

2 Korinthianys 12:2

My a aswonn den yn Krist neb, nans yw peswardhek blydhen, a veu kemmerys yn-bann dhe'n tressa nev – mars esa y'n korf ny wonn, po mes a'n korf ny wonn, Duw a woer, –

2 Korinthianys 13:5

Omhwithrewgh mars esowgh hwi y'n fydh, prevewgh agas honan; a ny wodhowgh hwi bos Yesu Krist ynnowgh – marnas hwi a fyll an prov?

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

2 Korinthianys 5:19

henn yw, yth esa Duw yn Krist, owth unnverhe an bys dhodho y honan, heb rekna aga drogoberow er aga fynn, hag ev re worras yn agan charj an geryow a unnverheans.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Kolossianys 1:19

Rag ynno pub leunder a Dhuw a veu plesys dhe driga,

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 2:9

rag ynno ev y trig pub leunder a'n Duwsys, yn korfek.

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.