Yoshua 7:19 - An Bibel Kernewek 20234 (Kernewek Kemmyn)

¹⁹ Ena Yoshua a leveris dhe Akan, ‘Ow mab, ro enor dhe'n Arloedh, Duw Ysrael, ha ro grasyans dhodho. Deriv dhymm pandr'a wrussys; na gudh e ahanav.’

Yoshua 7:19 ပူးပေါင်းရင်းမြစ်များ

2 Myghternedh 20:15

Ev a leveris, ‘Pandr'a welsons y'th chi?’ Hezekia a worthybis, ‘I re welas pub tra usi y'm chi; nyns eus travyth y'm gwithvaow na dhiskwedhis dhedha.’

2 Kroniklys 30:22

Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Salmow 51:3

Rag my a aswonn ow hammwriansow, ha prest a-dheragov yma ow fegh.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Ysay 13:12

My a wra gour moy drudh ages owr pur, ha den ages owr a Ofir.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Luk 17:18

A ny veu kevys marnas an alyon ma ow tehweles dhe ri glori dhe Dhuw?’

Yowann 9:24

Ena i a elwis nessa gweyth an den o dall ha leverel dhodho, ‘Ro dhe Dhuw an gordhyans; ni a woer an den ma dhe vos peghador.’

Romanyon 10:10

Rag gans kolonn y krysir dhe ewnder ha gans ganow y konfessir dhe selwyans.

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

Titus 2:2

tus koth dhe vos divedhow, sad, fur, yagh yn fydh, yn kerensa, hag yn perthyans.

Jamys 1:20

Rag ny wra sorr gour avonsya ewnder Duw.

Yoshua 7:20

Akan a worthybis dhe Yoshua ha leverel, ‘Gwir yw; my yw neb re beghas erbynn an Arloedh, Duw Ysrael. Hemm yw an pyth a wrug:

Diskwedhyans 16:9

Ha tus a veu leskys dre doemmder bras, hag i a vlasfemyas hanow Duw neb a'n jeves galloes war an plaow ma, ha ny gemmersons edrek dhe ri gordhyans dhodho.

1 Samuel 14:43

Ena Sowl a leveris dhe Yonathan, ‘Lavar dhymm pandr'a wruss'ta?’ Ha Yonathan a dherivas, ha leverel, ‘My a dastyas nebes a'n mel gans bleyn an lorgh esa y'm leuv; hag, ottavy, res yw dhymm merwel.’

1 Samuel 6:5

Ytho hwi a wra imajys a'gas hwedhow hag imajys a'gas logos neb a dhiswra an tir, ha hwi a re glori dhe Dhuw Ysrael; martesen ev a skavha y dhorn a-dhiwarnowgh hag a-dhiwar agas duwow hag a-dhiwar agas tir.