Yoshua 7:11 - An Bibel Kernewek 20234 (Kernewek Kemmyn)

¹¹ Ysrael re beghas; i re dreuspassyas erbynn ow hevambos a worhemmynnis dhedha. I re gemmeras re a'n taklow sakrys dhe dhistruyans; i re's ladras, ha'ga hudha, orth aga gorra gans aga lestri aga honan.

Yoshua 7:11 ပူးပေါင်းရင်းမြစ်များ

2 Myghternedh 18:12

drefenn na woslowsons lev an Arloedh aga Duw, mes i a gammdremenas erbynn y gevambos, ha pup-tra a worhemmynnis Moyses, gwas an Arloedh; ny woslowsons ha ny obaysons.

2 Myghternedh 5:24

Ha pan dheuth ev dhe vre an sita ev a's kemmeras dhiworth aga diwla ha'ga gorra y'n chi; hag ev a's gasas dhe vos, hag i a dhibarthas.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Hosea 6:7

Mes i re dorras an kevambos avel Adam: ena i re'm traytas.

Levitikus 5:15

Mar kwra nebonan neppyth dislel ha pegha heb y wodhvos yn taklow sans an Arloedh, ev a dhre y offrynn kammweyth dhe'n Arloedh, hordh heb namm a'n flokk, talvesys genes a dhew shekel arghans, war-lergh shekel an sentri, avel offrynn kammweyth.

Habakkuk 2:6

A ny wra oll an re na drehevel parabolenn er y bynn, ha henlavarow rag y skornya, ow leverel, ‘Go-ev neb a guntell war-barth pythow nag eus dhodho ev; (pes termyn y hwra henna pesya?) Beghys yw gans arwoestlow.’

Zekaria 5:4

My a wra hy dannvon yn-mes, yn-medh Arloedh an luyow, ha hi a enter chi an lader ha chi an den a wowli re'm hanow. Hi a drig yn kres y ji ha'y dhistrui, gans y blenkynnow ha'y veyn.’

Matthew 22:21

Yn-medhons dhodho, ‘Sesar.’ Ena yn-medh ev dhedha, ‘Attelewgh ytho dhe Sesar an taklow yw dhe Sesar, ha dhe Dhuw an taklow yw dhe Dhuw.’

Oberow 5:9

Yn-medh Peder dhedhi, ‘Prag y fewgh unnver dhe demptya Spyrys an Arloedh? Otta, treys an re neb re ynkleudhyas dha wour ymons orth an daras, hag i a wra dha dhoen jy yn-mes.’

Dewteronomi 17:2

Mar kevir yn agas mysk, a-berth yn onan a'th yetys a wra an Arloedh dha Dhuw aga ri dhis, gour po benyn a wra drog a-wel dhe'n Arloedh dha Dhuw ha gul treuspass erbynn y gevambos,

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 7:10

An Arloedh a leveris dhe Yoshua, ‘Sa'bann; prag y koedhsys war dha fas?

Breusysi 2:20

Ytho sorr an Arloedh a loskas erbynn Ysrael; hag ev a leveris, ‘Rag an bobel ma dhe derri ow hevambos a worhemmynnis vy dh'aga thasow, ha ny woslowsons orth ow lev,

1 Samuel 14:38

Ha Sowl a leveris ‘Dewgh omma, oll ledyoryon an bobel; ha konvedhyn ha miryn fatell dhrehevis an pegh ma hedhyw.