Yoshua 5:13 - An Bibel Kernewek 20234 (Kernewek Kemmyn)

¹³ Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’

Yoshua 5:13 ပူးပေါင်းရင်းမြစ်များ

Jenesis 18:1

Ha'n Arloedh a omdhiskwedhas dhodho ryb derow Mamre, pan o esedhys yn daras an tylda yn toemmder an jydh.

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

Jenesis 28:16

Ena Yakob a dhifunas a'y gosk ha leverel, ‘Yn sur, yma an Arloedh y'n tyller ma, ha ny'n godhyen vy.’

Jenesis 33:1

Ha Yakob a dhrehevis y dhewlagas ha mires, hag awotta, yth esa Esaw ow tos ha ganso peswar kans gour. Ytho ev a rannas an fleghes yntra Lea ha Raghel ha'n dhiw vaghteth.

Jenesis 33:5

Hag ev a dhrehevis y dhewlagas ha gweles an benynes ha'n fleghes ha leverel, ‘Pyth yw an re ma dhiso jy?’ Hag yn-medh ev, ‘An fleghes a ros an Arloedh dhe'th was a'y ras.’

1 Kroniklys 12:22

Ytho dydh wosa dydh yth esa gwer ow tos dhe Davydh dh'y weres, bys pan esa lu bras, avel lu Duw.

1 Kroniklys 21:27

An Arloedh a gewsis dhe'n el, hag ev a worras y gledha arta yn y woen.

1 Kroniklys 21:30

mes ny allas Davydh mos a-rygdhi dhe hwilas mynnas Duw, rag own a'n jeva a gledha el an Arloedh.

Eksodus 23:23

Rag ow el a a-ragos ha'th tri dhe'n Amorysi, ha'n Hittysi, ha'n Perizzysi, ha'n Kananysi, an Hivysi, ha'n Yebusysi, ha my a's distru.

Daniel 10:5

y trehevis ow dewlagas, ha mires, hag otta unn gour gwiskys yn lien, y dhiwglun grogysys gans owr pur a Ufaz.

Daniel 8:3

My a dhrehevis ow dewlagas ha mires; hag ottena unn hordh ow sevel war lann an dowrgleudh. Dew gorn a'n jevo, hir aga dew, mes an eyl o hirra ages y gila, ha'n korn hirra a dheuth yn-bann diwettha.

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Niverow 22:23

Ha'n asen a welas el an Arloedh ow sevel y'n fordh, ha kledha noeth yn y dhorn; ha'n asen a dreylyas a-denewen yn-mes a'n fordh, ha mos y'n gwel; ha Balaam a weskis an asen, dh'y threylya y'n fordh.

Niverow 22:31

Ena an Arloedh a igoras dewlagas Balaam, hag ev a welas el an Arloedh, ow sevel y'n fordh, ha'y gledha noeth yn y dhorn; hag ev a omblegyas, ha koedha war y fas.

Oberow 1:10

Ha pan esens ow mires stark troha nev, hag ev ow mos, otta dew wour a sevis rybdha, gwynn aga dillas,

Yoshua 6:2

An Arloedh a leveris dhe Yoshua, ‘Mir, my re ros y'th leuv Yeriko, ha'y myghtern ha'n wer alloesek.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.

Breusysi 13:11

Manoagh a sevis hag a holyas y wreg, hag a dheuth dhe'n gour hag a leveris dhodho, ‘Osta jy an gour hag a gewsis dhe'n venyn ma?’ Hag y leveris, ‘Ov.’

Breusysi 13:22

Ha Manoagh a leveris dh'y wreg, ‘Ni a verow yn surredi, rag ni re welas Duw.’