Yoshua 3:13 - An Bibel Kernewek 20234 (Kernewek Kemmyn)

¹³ Ha pan bowes godhnow treys an oferysi usi ow toen argh an Arloedh, Arloedh oll an nor, yn dowrow an Yordan, dowrow an Yordan a vydh treghys dhiworth an dowrow a dheu yn-nans a-wartha; hag i a sev yn graghell.’

Yoshua 3:13 ပူးပေါင်းရင်းမြစ်များ

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Salmow 33:7

Ev a guntellas dowrow an mor war-barth yn graghell; ev a worr an downderyow yn gwithvaow.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 78:13

Ev a rannas an mor, hag a wrug dhedha tremena dredho; ev a wrug dhe'n dowrow sevel kepar ha graghell.

Eksodus 15:8

Orth hwyth dha dhewfrik an dowrow a hwythfis yn-bann, an livow a sevis yn graghell; an downderyow a gowlas yn kolonn an mor.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Habakkuk 3:15

Ty a stankyas y'n mor gans dha vergh, ewyn a dhowrow meur.

Zekaria 4:14

Ev a leveris dhymm, ‘An re ma yw an dhew untys a sev ryb Arloedh oll an norvys.’

Yoshua 3:11

Otta, yma argh kevambos Arloedh oll an nor ow treusi a-dheragowgh y'n Yordan.

Yoshua 4:7

ena hwi a lever dhedha, y feu dowrow an Yordan stoppys a-rag argh kevambos an Arloedh. Pan dreusis an Yordan, stoppys veu dowrow an Yordan. Ytho an meyn ma a vydh kovadh dhe'n Ysraelysi bys vykken.’