Yoshua 23:10 - An Bibel Kernewek 20234 (Kernewek Kemmyn)

¹⁰ Unn gour mes a'gas mysk a yll chasya mil, rag an Arloedh agas Duw a omladh ragowgh, dell ambosas dhywgh.

Yoshua 23:10 ပူးပေါင်းရင်းမြစ်များ

2 Samuel 23:8

An re ma yw henwyn an gasoryon esa dhe Davydh: Yeshbaal an Hakmonyas; ev o chyf an Tri; ev a dhrehevis y wuw erbynn eth kans neb a ladhas war unn dro.

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

1 Kroniklys 5:22

Lies a goedhas ledhys drefenn an vresel dhe vos a Dhuw. Hag yth esens trigys yn aga thiredh bys an divroedh.

Salmow 35:1

Striv, A Arloedh, gans an re a striv genev; omladh erbynn an re a omladh er ow fynn.

Salmow 46:7

Yma Arloedh an luyow genen ni; Duw Yakob yw agan skovva. Sela.

Eksodus 14:14

An Arloedh a wra omladh ragowgh, ha hwi yn tawesek.’

Ysay 30:17

Mil a fi a-rag godros onan; rag godros pymp hwi a fi, bys may fowgh gesys avel gwelenn-vaner war benn menydh, avel tokyn war vre.

Levitikus 26:7

Ha hwi a jas agas eskerens hag i a goedh dheragowgh der an kledha.

Levitikus 26:8

Pymp ahanowgh a jas kans, ha kans ahanowgh a jas deg mil, ha'gas eskerens a goedh dheragowgh der an kledha.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 20:3

Y lever dhedha, ‘Klew, Ysrael, yth esowgh ow tos nes dhe'n gas erbynn agas eskerens. Na vedhewgh digolonnek, na berthewgh own, na fyskewgh dhe-ves yn euth, na vedhewgh dyegrys a-ragdha,

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

Dewteronomi 28:7

An Arloedh a wra dhe'th eskerens, a sev er dha bynn, bos gweskys a-ragos. Yth ons mes er dha bynn yn unn fordh ha fia yn seyth fordh a-ragos.

Dewteronomi 3:22

Na berthewgh own anedha, drefenn an Arloedh agas Duw dhe vatalyas ragowgh.’

Dewteronomi 32:20

Ev a leveris, My a gudh ow fas dhiworta, ha my a wel pandr'a vydh aga diwedh; rag yth yns i henedh gorth, mebyon heb lelder ynna.

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Yoshua 23:11

Gorwithewgh ytho dhe gara an Arloedh agas Duw.

Yoshua 23:3

ha hwi re welas pup-tra re wrug an Arloedh agas Duw dhe oll an kenedhlow ma a-barth dhywgh; y feu an Arloedh agas Duw a omladhas ragowgh.

Breusysi 15:15

Ena ev a gavas challa yr a asen, hag ev a ystynnas y leuv ha'y synsi, ha gansa ev a ladhas mil wour.

Breusysi 3:31

War y lergh y teuth Shamgar mab Anath neb a ladhas hwegh kans gour a'n Filistysi gans garthow. Ev ynwedh a dhelivras Ysrael.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’