Yoshua 22:33 - An Bibel Kernewek 20234 (Kernewek Kemmyn)

³³ Pes da o an Ysraelysi; ha'n Ysraelysi a vennigas Duw ha ny gowssons namoy a vos yn-bann er aga fynn gans lu, rag distrui an tir le mayth esa an Rewbenysi ha'n Gadysi trigys.

Yoshua 22:33 ပူးပေါင်းရင်းမြစ်များ

1 Kroniklys 29:20

Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

Lavarow Koth 25:25

Avel dowrow yeyn dhe neb a'n jeves syghes, yndella yw nowodhow da a vro bell.

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Luk 2:28

ev a'n kemmeras yn y dhiwvregh, ha benniga Duw ha leverel,

Oberow 15:12

Oll an routh a dewis, ha klewes Barnabas ha Powl ow terivas pana doknys ha marthusyon a wrug Duw yn mysk an Jentilys dredha.

Oberow 15:31

Wosa i lenna, i a lowenhas drefenn an kennerth.

2 Korinthianys 7:7

ha nyns o unnsel der y dhevedhyans, mes ynwedh der an konfort may feu ev konfortys a-dro dhywgh; ev a dherivas dhyn a-dro dh'agas hwans freth, agas kynvann, agas gwres a-barth dhymm, may lowenhis vy dhe voy.

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Yoshua 22:30

Pan glewas Finehas an oferyas ha ledyoryon an kuntelles, ha pennow kordhow Ysrael esa ganso, an geryow a gewsis an Rewbenysi ha'n Gadysi ha mebyon Manasse, yth o da yn aga golok.

Yoshua 22:32

Ytho Finehas an oferyas mab Eleazar ha'n ledyoryon a dhehwelis a-dhiworth an Rewbenysi ha'n Gadysi yn pow Gilead dhe bow Kanan, dhe'n Ysraelysi, hag i a ros derivas dhedha.