Yoshua 22:28 - An Bibel Kernewek 20234 (Kernewek Kemmyn)

²⁸ Ni a brederis, Mar pe henna leverys dhyn ni po dh'agan henedh y'n termyn a dheu, ni a allsa leverel, “Mirewgh orth semlans alter an Arloedh, a wrug agan tasow, a-der rag offrynnow leskys, na rag sakrifis, mes avel dustunier yntra ni ha hwi.”

Yoshua 22:28 ပူးပေါင်းရင်းမြစ်များ

Jenesis 31:48

Hag yn-medh Laban, ‘An karn ma yw dustuni hedhyw yntra ty ha my.’ Ytho ev a elwis y hanow Galeed,

2 Myghternedh 16:10

Ena myghtern Ahaz eth dhe Damaskus rag metya orth Tiglath-pileser myghtern Assyria, hag ev a welas ena an alter esa yn Damaskus. Myghtern Ahaz a dhannvonas dhe'n oferyas Uria patron a'n alter, hag oll manylyon hy drehevyans.

Eksodus 25:40

Ha gwayt aga gul war-lergh an patron ragdha, a veu diskwedhys dhis war an menydh.

Ysay 19:19

Y'n jydh na y fydh alter dhe'n Arloedh yn kres pow Ejyp, ha peulven dhe'n Arloedh orth hy or.

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

Yoshua 22:27

mes dhe vos dustunier yntra ni ha hwi, hag ynter agan henedhow war agan lergh, may hwren ni servis an Arloedh a-ragdho gans agan offrynnow leskys ha'gan sakrifisow ha'gan offrynnow kres; ma na lavarro agas mebyon dh'agan mebyon yn termyn a dheu, ‘Nyns eus dhywgh rann y'n Arloedh.’ ”

Yoshua 22:29

Pell bedhes dhiworthyn ni defia an Arloedh, ha treylya y'n jydh ma a siwya an Arloedh rag drehevel alter rag offrynn leskys, offrynn, po sakrifis, nag yw alter an Arloedh agan Duw usi a-rag y dabernakel.’

Yoshua 24:27

Ha Yoshua a leveris dhe oll an bobel, ‘Otta, an men ma a vydh dustuni er agan pynn; rag ev re glewas oll geryow an Arloedh a gewsis orthyn; dustuni vydh er agas pynn, ma na wryllowgh nagha agas Duw.’