Yoshua 18:12 - An Bibel Kernewek 20234 (Kernewek Kemmyn)

¹² Yth esa aga or war denewen an gledhbarth ow talleth dhiworth an Yordan; ha'n or eth yn-bann dhe leder Yeriko a'n gledhbarth, ha mos yn-bann troha'n howlsedhes bys y'n vro venydhyek; hag yth esa hy diwedh yn gwylvos Beth-aven.

Yoshua 18:12 ပူးပေါင်းရင်းမြစ်များ

Hosea 10:5

Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Yoshua 16:1

Hemm o an tiredh rynnys gans koelbrenn dhe vebyon Yosep: dhiworth an Yordan ryb Yeriko a'n howldrevel dhe dhowrow Yeriko ryb an gwylvos, ow mos yn-bann dhiworth Yeriko dhe vro venydhyek Bethel.

Yoshua 18:11

Hemm yw an koelbrenn a dheuth yn-bann rag loeth an Benyaminysi war-lergh aga theyluyow. Yth esa an or rynnys dhedha gans an koelbrenn yntra mebyon Yuda ha mebyon Yosep.

Yoshua 2:1

Yoshua mab Nun a ragdhannvonas dew wour dhiworth Shittim dhe aspia yn-dann gel, ow leverel, ‘Kewgh dhe vires orth an tir, hag yn arbennik Yeriko.’ Ytho i eth, ha dos dhe ji hora, Rahab hy hanow, hag i a spenas an nos ena.

Yoshua 3:16

an dowrow esa ow tos yn-nans a-wartha a sevis stag; i a omdhrehevis yn graghell mar bell avel Adam, an sita usi ryb Sarethan; ha'n dowr esa ow mos troha Mor an Araba, Mor an Hoelan, a veu stoppys yn tien. Ytho an bobel a dreusis a-dal Yeriko.

Yoshua 6:1

Yetys Yeriko a veu prennys fast drefenn mebyon Ysrael; nyns esa mos yn-mes na dos a-ji.

Yoshua 7:2

Yoshua a dhannvonas gwer dhiworth Yeriko dhe Ay, usi ogas dhe Beth-aven, a'n howldrevel dhe Bethel, hag a leveris dhedha, ‘Kewgh yn-bann hag aspia an tir.’ Ha'n wer eth yn-bann hag aspia Ay.

Yoshua 8:15

Yoshua hag oll an Ysraelysi a omwrug aga bos fethys a-dheragdha, ha fia war fordh an gwylvos.

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.