Yoshua 17:16 - An Bibel Kernewek 20234 (Kernewek Kemmyn)

¹⁶ Mebyon Yosep a leveris, ‘Nyns yw lowr ragon an vro venydhyek; hag yma dhe oll an Kananysi trigys y'n plen charettow a horn, keffrys an re yn Beth-shean ha'y threvow ha'n re yn nans Yezreel.’

Yoshua 17:16 ပူးပေါင်းရင်းမြစ်များ

1 Myghternedh 18:45

Kyns nep-pell an nevow a dhuhas gans kommol ha gwyns, hag yth esa glaw bras. Ahab a varghogas ha mos dhe Yezreel.

1 Myghternedh 18:46

Mes yth esa leuv an Arloedh war Elias; ev a wrogysas y dhiwglun ha poenya a-rag Ahab oll an fordh dhe Yezreel.

1 Myghternedh 21:1

Wosa hemma y siwyas an hwarvosow ma: Naboth an Yezreelyas a'n jevo gwinlann yn Yezreel, ryb palas myghtern Ahab a Samaria.

1 Myghternedh 21:23

Ynwedh a Yezebel an Arloedh a leveris, “An keun a dheber Yezebel ryb fos Yezreel.”

1 Myghternedh 4:12

Baana mab Ahilud yn Taanak ha Megiddo, oll Beth-shean ryb Sarethan yn-dann Yezreel, a Beth-shean dhe Abel-mehola, bys y'n tu arall dhe Yokmeam;

2 Myghternedh 9:10

An keun a dheber Yezebel yn splatt Yezreel, ha denvyth ny wra hy ynkleudhyas.’ Ena ev a igoras an daras ha fia.

2 Myghternedh 9:37

korf Yezebel a vydh kepar ha kawgh war enep an gwel yn tiredh Yezreel, ma na yllir leverel, Yezebel yw homma.” ’

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Yoshua 15:56

Yezreel, Yokdeam, Zanoagh,

Yoshua 17:11

Yn Yssakar hag Asher, yth o dhe Manasse Beth-shean ha'y threvow, Ybleam ha'y threvow, trigoryon Dor ha'y threvow, trigoryon En-dor ha'y threvow, trigoryon Taanak ha'y threvow, ha trigoryon Megiddo ha'y threvow (an tressa yw Nafeth).

Yoshua 17:15

Yoshua a leveris dhedha, ‘Mars owgh hwi pobel vras, ke yn-bann dhe'n goeswik, ha treghi gwydh dhe wul tyller ena ragowgh yn tir an Perizzysi ha'n Refaim, rag bro venydhyek Efraym yw re gul ragos.’

Yoshua 17:17

Ena Yoshua a leveris dhe ji Yosep, dhe Efraym ha dhe Manasse, ‘Hwi yw pobel vras, hag yma dhywgh nerth bras; ny vydh dhywgh unn rann hepken.

Yoshua 17:18

Mes an vro venydhyek a vydh dhywgh; koeswik yw, ha hwi a's klerha, ha'y oryon pella a vydh dhywgh; rag hwi a fes an Kananysi yn-mes, kyn fo dhedha charettow a horn, ha kynth yns krev.’

Yoshua 19:18

Yth esa aga or troha Yezreel, Kesulloth, Shunem,

Breusysi 1:19

Yth esa an Arloedh gans Yuda, hag ev a gemmeras an vro venydhyek; mes ny allas chasya dhe-ves trigoryon an plen drefenn bos dhedha charettow a horn.

Breusysi 4:13

Sisera a elwis oll y jarettow, naw kans charett a horn, hag oll an bobel esa ganso dhiworth Harosheth-ha-goyim dhe nans Kishon.

Breusysi 4:3

Ena mebyon Ysrael a grias dhe'n Arloedh rag gweres; rag ev a'n jevo kans charett a horn, ha re arwasksa mebyon Ysrael yn fell ugens blydhen.

Breusysi 6:33

Ena oll a Midyanysi ha'n Amalekysi ha mebyon an est a dheuth war-barth, hag ow treusi an avon i a gampyas yn nans Yezreel.

1 Samuel 29:1

Lemmyn an Filistysi a guntellas oll aga luyow war-barth yn Afek, hag Ysrael a gampyas ryb an fenten usi yn Yezreel.