Yoshua 11:21 - An Bibel Kernewek 20234 (Kernewek Kemmyn)

²¹ Y'n termyn na Yoshua a dheuth ha treghi an Anakim dhiworth an vro venydhyek, dhiworth Hebron, dhiworth Debir, dhiworth Anab, ha dhiworth oll vro venydhyek Yuda, ha dhiworth oll vro venydhyek Ysrael: Yoshua a's sakras dhe dhistruyans gans aga threvow.

Yoshua 11:21 ပူးပေါင်းရင်းမြစ်များ

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Niverow 13:33

Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 2:21

Pobel vras ens, lies ha hir avel an Anakim. An Arloedh a's distruis a-ragdha, hag i a's fesyas ha triga ena yn aga le;

Dewteronomi 9:2

pobel vras ha hir, mebyon an Anakim a aswonnydh, ha ty re'n klewas bos leverys, ‘Piw a yll sevel a-rag mebyon Anak?’

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Diskwedhyans 6:2

Ha my a welas, hag otta, margh gwynn, ha gwarak gans neb o esedhys warnodho, ha kurun a veu res dhodho, hag ev eth dhe-ves ow fetha ha dhe fetha.

Breusysi 1:20

I a ros Hebron dhe Kaleb, kepar dell lavarsa Moyses, hag ev a jasyas dhe-ves an tri mab a Anak.