Yoshua 11:12 - An Bibel Kernewek 20234 (Kernewek Kemmyn)

¹² Yoshua a gemmeras oll sitys an vyghternedh na, hag oll aga myghternedh, ha'ga gweskel gans min an kledha, orth aga sakra dhe dhistruyans, dell worhemmynnsa Moyses gwas an Arloedh.

Yoshua 11:12 ပူးပေါင်းရင်းမြစ်များ

Dewteronomi 7:2

ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

Yoshua 11:15

Kepar dell worhemmynnis an Arloedh dhe Moyses y was, yndella Moyses a worhemmynnis dhe Yoshua, hag yndella Yoshua a wrug; ny asas travyth heb y wul dhiworth oll a worhemmynnis an Arloedh dhe Moyses.

Yoshua 10:37

i a's kemmeras, ha'y gweskel a vin an kledha, ha'y myghtern hag oll hy threvow, ha peub esa ynni. Ny asas dhe vos gesys denvyth, dell wrussa dhe Eglon; ev a's sakras dhe dhistruyans, hi ha peub esa ynni.

Yoshua 10:35

hag i a's kemmeras y'n jydh na, ha'y gweskel a vin an kledha; ha peub esa ynni ev a sakras dhe dhistruyans, dell wrussa dhe Lakish.

Yoshua 10:32

An Arloedh a ros Lakish yn leuv Ysrael, hag Yoshua a's kemmeras an nessa dydh, ha'y gweskel gans vin an kledha, ha peub esa ynni, dell wrussa dhe Libna.

Yoshua 10:30

Ha'n Arloedh a ros an sita na ynwedh ha'y vyghtern yn leuv Ysrael; Yoshua a's gweskis gans vin an kledha, ha peub esa ynni; ny asas dhe vos gesys remenant ynni; hag ev a wrug dh'y myghtern dell wrussa dhe vyghtern Yeriko.

Yoshua 10:28

Yoshua a gemmeras Makkeda an jydh na, ha gweskel an sita ha'y myghtern gans min an kledha; ev a's sakras dhe dhistruyans, ha peub esa ynni; ny asas denvyth dhe vos gesys. Hag ev a wrug dhe vyghtern Makkeda dell wrussa dhe vyghtern Yeriko.

Yoshua 9:24

I a worthybis dhe Yoshua, ‘Y feu derivys dhe'th wesyon an Arloedh dha Dhuw dhe worhemmynna dh'y was Moyses ri dhywgh oll an pow, ha distrui oll annedhysi an pow a-ragowgh; ytho ni a berthi own a'gan bewnans a'gas govis, ha rakhenna ni a wrug an dra ma.

Yoshua 8:31

dell worhemmynnis Moyses gwas an Arloedh dhe'n Ysraelysi, dell yw skrifys yn lyver lagha Moyses, ‘Alter meyn dien, na vons treghys gans toul a horn’; hag i a offrynnas warnedhi offrynnow leskys dhe'n Arloedh, ha sakrifia offrynnow kres.

Yoshua 8:8

Wosa kemmeres an sita, hwi a worr tan ynni; war-lergh gorhemmynn an Arloedh hwi a wra. Mirewgh, my re worhemmynnis dhywgh.’

Yoshua 11:13

Mes ny loskas Ysrael nagonan a'n sitys usi hwath ow sevel war grugow, marnas Hasor, a wrug Yoshua hy leski.

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Yoshua 10:20

Yoshua ha'n Ysraelysi a's gweskis gans ladhva vras, ha'ga distrui glan, mes re anedha a dhienkas, ha mos bys y'n sitys kerys.

Yoshua 13:6

My a fes a-rag an Ysraelysi oll trigoryon an vro venydhyek a-dhiworth Lebanon bys Misrefoth-maym, hag oll an Sidonysi. Lemen gwra henna dhe goedha rag an Ysraelysi avel aga eretons, dell worhemmynnis dhis.

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.