Yona 1:9 - An Bibel Kernewek 20234 (Kernewek Kemmyn)

⁹ Yn-medh ev dhedha, ‘Ebrow ov vy, ha my a berth own a'n Arloedh, Duw an nev, neb a formyas an mor ha'n tir sygh.’

Yona 1:9 ပူးပေါင်းရင်းမြစ်များ

Jenesis 1:10

Duw a elwis an dor sygh Tir, ha kuntellva an dowrow ev a elwis Moryow. Ha Duw a welas henna dhe vos da.

Jenesis 14:13

Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 39:14

hi a elwis tus hy chi ha kewsel orta ow leverel, ‘Mirewgh, ev re dhros dhyn ni gour ebrow, dhe wul ges ahanan. Ev a dheuth dhymm dhe wrowedha genev, ha my a elwis gans lev ughel.

2 Myghternedh 17:25

Pan dhallathsons triga ena, ny borthsons own a'n Arloedh; rakhenna an Arloedh a dhannvonas lewyon yn aga mysk, a ladhas re anedha.

2 Myghternedh 17:28

Ena onan a'n oferysi re dhegsens dhiworth Samaria a dheuth ha triga yn Bethel; ev a dhyskas dhedha fatell dela dhedha gordhya an Arloedh.

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ezra 5:11

Ha hemma yw an gorthyp a rosons dhyn: ‘Servysi Duw nev ha leur on ni, hag yth esons ow dastrehevel an chi a veu drehevys nans yw lies blydhen, may hwrug myghtern bras a Ysrael y dhrehevel ha gorfenna.

Nehemia 1:4

Pan glewis vy an geryow ma, my a esedhas hag oela, ha kyni dres lies dydh, ha penys ha pysi a-rag Duw nev.

Nehemia 2:4

An myghtern a leveris dhymm, ‘Pandr'a wovynnydh orthiv?’ Ytho my a bysis dhe Dhuw an nevow.

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Job 1:9

Ena Satnas a worthybis dhe'n Arloedh, ‘Eus dhe Job own a Dhuw rag travyth?

Salmow 136:26

Grassewgh dhe Dhuw an nev, rag y dregeredh a dhur bys vykken.

Eksodus 1:15

Ha myghtern Ejyp a gewsis orth an gwelivedhesow ebrow (anedha onan o henwys Shifra ha'y ben Pua),

Eksodus 2:13

Hag yth eth ternos, hag otta, dew Ebrow owth omladh. Hag y leveris dhe'n drogoberer, ‘Prag y hweskydh dha gentrevek?’

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Filippianys 3:5

trodreghys an ethves dydh, a'n genedhel a Ysrael, a loeth Benyamin, Ebrow a Ebrowyon, Farise war-lergh an lagha,

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 16:11

Hag i a vlasfemyas Duw nev drefenn aga faynys ha'ga podredhes, ha ny gemmersons edrek a'ga gwriansow.