Yoel 3:11 - An Bibel Kernewek 20234 (Kernewek Kemmyn)

¹¹ Dewgh yn uskis, oll hwi an kenedhlow a-derdro, omguntellewgh ena. Dro yn-nans dha vreselyoryon, A Arloedh.

Yoel 3:11 ပူးပေါင်းရင်းမြစ်များ

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Ysay 10:34

Ev a hakk prysk an koes dhe'n dor gans horn; Lebanon gans y gwydh krev a goedh.

Ysay 13:3

My re worhemmynnis dhe'm re sanshes, ynwedh my re elwis ow breselysi dhe gowlwul ow sorr, an re a vost y'm meuredh.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Mika 4:12

Mes ny wodhons i tybyansow an Arloedh, ny gonvedhsons y dowl, ev dh'aga huntell avel manalow dhe'n leur-drushya.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

2 Thessalonianys 1:7

ha ri powes genen ni dhywgh hwi yw duwenhes, orth diskwedhyans an Arloedh Yesu dhiworth nev gans y eledh nerthek,

Diskwedhyans 19:14

Ha'n luyow esa yn nev a'n siwyas war vergh gwynn, gwiskys yn sendal, gwynn ha glan.