Yoel 2:16 - An Bibel Kernewek 20234 (Kernewek Kemmyn)

¹⁶ Kuntellewgh an bobel, sakrewgh an kuntelles, gelwewgh an dus hen war-barth, kuntellewgh an fleghes ha'n re ow tena an vronn: gases an gour pries y stevell, ha'n venyn bries hy chambour.

Yoel 2:16 ပူးပေါင်းရင်းမြစ်များ

2 Kroniklys 20:13

Yth esa oll Yuda ow sevel a-rag an Arloedh, gans aga fleghesigow, aga gwragedh, ha'ga mebyon.

2 Kroniklys 29:5

Ev a leveris dhedha, ‘Goslowewgh orthiv Levysi! Omsakrewgh hwi, ha sakrewgh chi an Arloedh, Duw agas tasow, ha degewgh yn-mes an avlander dhiworth an tyller sans.

2 Kroniklys 30:17

Rag bos lies y'n kuntelles na omsakr'sons, res o dhe'n Levysi ladha eyn an pask a-barth pubonan o avlan, dh'aga sakra dhe'n Arloedh.

2 Kroniklys 30:19

re settyas y golonn dhe hwilas an Arloedh, Duw aga thasow, kyn nag o herwydh rewlys an sentri a-dro dhe lander.’

2 Kroniklys 35:6

Ledhewgh oen an pask, omsakrewgh, ha pareusewgh a-barth agas breder, ow kul herwydh ger an Arloedh dre leuv Moyses.’

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Salmow 19:5

a dheu yn-mes avel gour pries dhiworth y jambour, ow lowenhe avel kampyer dhe boenya yn y hyns.

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Eksodus 19:15

Hag ev a leveris dhe'n bobel, ‘Bedhewgh parys erbynn an tressa dydh; na dewgh nes dhe venyn.’

Eksodus 19:22

Hag ynwedh gas dhe'n oferysi a dheu nes dhe'n Arloedh omsakra ma na dartho an Arloedh warnedha.’

Yoel 1:14

Sakrewgh penys, gelwewgh kuntelles solem, kuntellewgh an dus hen, oll annedhysi an tir, yn chi an Arloedh agas Duw, ha kriewgh war an Arloedh.

Matthew 21:16

hag yn-medhons dhodho, ‘A glewydh pandr'a lever an re ma?’ Mes Yesu a leveris dhedha, ‘Klewav. A ny wrussowgh bythkweth redya hemma, “Yn-mes a anow fleghesigow ha'n re ow tena ty re ordenas gormola”?’

Matthew 9:15

Ha Yesu a leveris dhedha, ‘A yll kowetha an gour pries kyni hedre vo an gour pries gansa? Mes an dydhyow a dheu pan vydh an gour pries kemmerys dhiworta hag y'n eur na i a wra penys.

1 Korinthianys 7:5

Na skonyewgh an eyl orth y gila, marnas, martesen, der akordyans rag termyn, mayth omryllowgh hwi dhe bysadow; mes ena dewgh war-barth arta ma na'gas dynnyo Satnas der agas fowt omrewl.

Yoshua 7:13

Yn-sol, sansha an bobel, ha lavar, “Omsanshewgh rag a-vorow; rag yndellma y lever an Arloedh, Duw Ysrael, ‘Yma taklow sakrys y'n kres ahanas, A Ysrael; ny yllydh sevel a-dherag dha eskerens bys may kemmerowgh dhe-ves an taklow sakrys a'gas mysk.’

Yoshua 8:35

Nyns esa ger a oll a worhemmynnis Moyses na lennas Yoshua a-rag oll kuntelles Ysrael, gans an benynes, an re vyghan, ha'n alyons esa trigys yn aga mysk.

1 Samuel 16:5

Hag yn-medh ev, ‘Yn kres; my re dheuth dhe sakrifia dhe'n Arloedh; omsakrewgh ha dewgh genev dhe'n sakrifis.’ Hag ev a sakras Yesse ha'y vebyon ha'ga gelwel dhe'n sakrifis.