Yeremia 9:5 - An Bibel Kernewek 20234 (Kernewek Kemmyn)

⁵ Hag i a wra toella peub y gentrevek, ha ny wrons kewsel an gwiryonedh: i re dhyskas aga thaves dhe gewsel gowyow, ny yllons koedha yn edrek.

Yeremia 9:5 ပူးပေါင်းရင်းမြစ်များ

Habakkuk 2:13

A nyns yw dhiworth Arloedh an luyow may lavur an poblow rag tan ha mayth yw an kenedhlow skwithys rag travyth?

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Ysay 57:10

Skwithys veus gans oll dha fordhow, hwath ny leversys, ‘Euver yw!’ Ty a gavas nerth nowydh rag dha leuv, rakhenna ny veus skwith.

Job 15:5

Rag dha dhrogober a dhysk dha anow, ha ty a dhewis taves an dus fel.

1 Timothi 4:2

yn falsuri gowleverysi, leskys aga howses gans horn.

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Mika 6:3

‘Ow fobel vy, pandr'a wrug evy orthis? Ha fatell y'th skwithis? Gorthyp dhymm!

Ezekiel 24:12

My re omskwithas yn euver; ny eth a-dhiworto y wossen dew, na hwath gans tan.

Yeremia 9:8

Aga thaves yw avel seth varwel; kewsel toell a wra: den a lever geryow kres dh'y gentrevek der y anow, mes yn y golonn kontrewaytya a wra.

Yeremia 9:3

I a bleg aga thaves avel aga gwarak rag gowyow: nyns yns kolonnek rag gwiryonedh war an nor; rag yth ons a dhrogedh dhe dhrogedh, ha ny'm aswonnons, yn-medh an Arloedh.

Ysay 5:18

Go-i neb a denn anewnder dre lovonow euveredh, ha peghes avel dre lovonow kert,

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Salmow 140:3

I re lymmas aga thaves avel sarf; yma venim nadres yn-dann aga diwweus. Sela.

Salmow 64:3

neb a lymmas aga thaves avel kledha, hag a dewlis lavarow hwerow avel sethow;

Salmow 50:19

‘Ty a ros dha anow dhe sherewneth, ha'th taves a dhevis toell.

Salmow 7:14

Otta, ev yw torrek gans sherewneth; ev re gonsevyas dregynn, ha dineythi falsuri.

Job 11:3

A dal dha glapp gul tus dhe dewel, ha pan skornydh, a ny wra denvyth dha shamya?

Jenesis 19:11

Hag i a weskis an wer esa orth daras an chi gans dellni, byghan ha bras, ma na allsons kavoes an daras.

Salmow 52:3

Ty a gar drog moy ages da, ha gowleverel moy ages kewsel gwiryonedh. Sela.

Yeremia 7:28

Ty a lever dhedha, Homm yw an genedhel na veu gostydh dhe lev an Arloedh aga Duw, na ny dhegemmeras dyskybleth; gwirder res eth dhe goll, ha treghys yw a-dhiworth aga ganow.

Yeremia 12:6

Rag hwath dha vreder, ha chi dha das, i ynwedh, re'th traytas; i ynwedh re dhrehevis kri ughel war dha lergh: na goel dhedha kyn kewsons geryow teg dhis.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 13:23

A yll an Ethiopyas chanjya y groghen, po an lewpard y vryghi? Ytho a yllowgh hwi ynwedh gul da, yw usys dhe wul drog?

Yeremia 51:58

Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.

Yeremia 51:64

ha leverel, “Yndellma Babylon a sedh; ny vydh ow sevel namoy drefenn an anfeusi a dhrov warnedhi.” ’ Hemm yw diwedh geryow Yeremia.

Malaki 2:10

A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?

Breusysi 2:10

Hag oll an henedh na a veu kuntellys dh'aga thasow ynwedh, hag ena ken henedh a devis war aga lergh, neb na aswonni an Arloedh na'n ober gwrys ganso a-barth Ysrael.

Lavarow Koth 12:5

Towlow an re wiryon yw ewn, mes gidyans an debeles yw fals.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’