Yeremia 9:22 - An Bibel Kernewek 20234 (Kernewek Kemmyn)

²² Kows, Yndellma y lever an Arloedh: ‘Hwath korfow tus a wra koedha avel teyl war an mes, avel an dhramm war-lergh an myser, ha nagonan ny's kuntell.’

Yeremia 9:22 ပူးပေါင်းရင်းမြစ်များ

2 Myghternedh 20:13

Hezekia a's wolkommas, ha diskwedhes dhedha oll y dresorva, an arghans, an owr, an spisyow, an oyl drudh, y arvji, pup-tra a veu kevys yn y withvaow; nyns esa travyth yn y ji po yn y wlaskor oll na dhiskwedhas Hezekia dhedha.

2 Myghternedh 20:15

Ev a leveris, ‘Pandr'a welsons y'th chi?’ Hezekia a worthybis, ‘I re welas pub tra usi y'm chi; nyns eus travyth y'm gwithvaow na dhiskwedhis dhedha.’

2 Myghternedh 9:37

korf Yezebel a vydh kepar ha kawgh war enep an gwel yn tiredh Yezreel, ma na yllir leverel, Yezebel yw homma.” ’

Job 5:13

Ev a vagel an dus fur yn aga felder, ha towlennow an dus sleygh yw dres dhe worfenn yn skon.

Salmow 49:7

Mes devri ny yll nagonan anedha prena y vroder, na ri daspren dhe Dhuw ragdho.

Salmow 83:10

neb a verwis yn Endor, ha dos ha bos avel teyl rag an dor.

Lavarow Koth 18:11

Pythow an den rych yw y sita grev, hag avel fos ughel yn y gonsayt y honan.

Lavarow Koth 23:4

Na lavur re rag mayth ylli ha bos rych, bydh fur, ha hedh.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 25:33

An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Yeremia 6:21

Ytho yndellma y lever an Arloedh: Otta, my a worr a-rag an bobel ma sklanderyow may hwra koedha warnedha tasow ha mebyon war-barth; an kentrevek ha'y goweth a dhe goll.

Yeremia 7:33

Korfow an bobel ma a vydh karyn dhe ydhyn an nev, ha rag bestes an nor; ha ny wra nagonan dh'aga chasya dhe-ves.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Habakkuk 1:11

Ena i a dremen kepar ha gwyns, ha mos dhe-ves; an dus kablus ma, aga nerth yw aga duw.

Sefania 1:17

Ha my a dhre anken dhe'n dus may kerdhons kepar ha dellyon, rag i dhe begha erbynn an Arloedh: ha skoellys vydh aga goes kepar ha doust, ha'ga hig kepar ha kawgh.

Dewteronomi 8:17

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’