Yeremia 9:19 - An Bibel Kernewek 20234 (Kernewek Kemmyn)

¹⁹ Rag lev kynvann yw klewys yn-mes a Sion, ‘Ass on ni diswrys! meth meur a'gan beus, drefenn ni dhe asa an tir, drefenn i dhe dewlel dhe'n dor agan annedhow.’

Yeremia 9:19 ပူးပေါင်းရင်းမြစ်များ

Ysay 32:9

Sevewgh, hwi venynes yw attes, klewewgh ow lev; myrghes fydhyansek, goslowewgh orth ow lavar.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 2:14

Yw Ysrael servont? Yw ev keth genys tre? Prag yth yw ev devedhys ha bos preydh?

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Yeremia 7:15

Ha my a wra agas tewlel yn-mes a'm golok, dell dewlis yn-mes oll agas breder, has kowal Efraym.

Yeremia 7:19

Yw my neb a brovoksons dhe sorr? yn-medh an Arloedh: a nyns yw i aga honan, dh'aga meth aga honan?

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Kynvannow 5:2

Agan ertach re beu treylys dhe estrenyon, agan chiow dhe alyons.

Ezekiel 27:2

Ty, A vab den, drehav kynvann erbynn Tyr.

Levitikus 18:25

ha defolys yw an tir. Ytho my a'n kessydhyas rag y gammweyth, ha'n tir y honan a hwyj yn-mes y drigoryon.

Levitikus 18:28

ma na wra an tir agas hwyja yn-mes ynwedh pan y'n defolowgh, dell hwyjas yn-mes an kenedhlow esa ena dheragowgh hwi.

Levitikus 20:22

Ytho, hwi a syns oll ow ordenansow hag oll ow breusow, ha'ga gul, ma na wrello an tir, ma'gas drov dhe driga ynno, agas hwyja yn-mes.

Mika 2:10

Sevewgh ha kewgh dhe-ves, rag nyns yw homma agas powesva; drefenn agas defolans hi a vydh distruys, ha'n terroes a vydh tynn.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Dewteronomi 28:29

Ty a vydh ow palvala yn hanter-dydh, kepar dell balval an dall y'n tewolgow; ny wredh dhe'th fordhow seweni; devri y fydhydh arweskys ha ledrys, ha ny wra nagonan dha sawya.