Yeremia 9:11 - An Bibel Kernewek 20234 (Kernewek Kemmyn)

¹¹ Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Yeremia 9:11 ပူးပေါင်းရင်းမြစ်များ

Nehemia 4:2

Hag ev a leveris a-rag y vreder ha lu Samaria, ‘Pyth usi an Yedhewon wann ma ow kul? A vynnons daswul taklow ragdha i aga honan? A sakrifions i? A worfennons yn unn jydh? A wrons an meyn dhe dhasvewa mes a vernyow radell leskys?’

Salmow 107:43

Piwpynag a vo fur, avisyes a'n taklow ma, ha prederens i a dregeredh an Arloedh.

Salmow 44:19

kyn y'gan brewsys yn tyller owrgeun, ha'gan kudha gans skeus ankow.

Salmow 79:1

A Dhuw, an kenedhlow re dheuth y'th ertach; i re dhefolas dha dempel sans, ha gorra Yerusalem yn bern a vagoryow.

Ysay 13:22

Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Ysay 34:13

Spern a dyv dres hy falesyow, askall ha spedhas yn hy hastylli. Hi a vydh peurva owrgeun, ha trigva rag strusyow.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Yeremia 1:15

Rag, otta, my a wra gelwel oll teyluyow gwlaskordhow an gogledh, yn-medh an Arloedh; hag i a wra dos, hag i a wra settya pubonan y dron dhe entrans yetow Yerusalem, hag erbynn an fosow anedhi a-derdro, hag erbynn sitys oll Yuda.

Yeremia 10:22

Otta, son nowodhow ow tos: ha freudh meur yn-mes a dir an gogledh, dhe wul sitys Yuda ynyal, ha fow owrgeun.

Yeremia 16:10

Ha pan dhiskwedhydh dhe'n bobel ma oll an geryow ma, hag y leverons dhis, ‘Prag y leveris an Arloedh oll an drogedh meur er agan pynn? po pyth yw agan kammhynseth? ha pyth yw agan pegh a wrussyn erbynn an Arloedh agan Duw?’

Yeremia 25:11

An tir oll ma a vydh ynyal ha gwast, ha'n kenedhlow ma a serv myghtern Babylon deg blydhen ha tri-ugens.

Yeremia 25:18

Yerusalem ha sitys Yuda ha'ga myghternedh ha'ga fennsevigyon, dh'aga gul magor, ynyalder, hwibana ha molleth, dell yns hedhyw;

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Yeremia 34:22

Otta, my a worhemmynn, yn-medh an Arloedh, ha gul dhedha dehweles dhe'n sita ma; hag i a omladh er hy fynn, ha'y leski gans tan. Trevow Yuda my a wra ynyal heb annedhyas.

Yeremia 4:27

Rag yndella an Arloedh re leveris: An tir oll a vydh ynyal; mes hwath ny wrav vy kowldhistrui.

Yeremia 44:2

Yndellma y lever Arloedh an luyow, Duw Ysrael: Hwi re welas oll an anfeusi a dhres war Yerusalem hag oll sitys Yuda. Hag otta, hedhyw ynyal yns, ha heb annedhyas ynna,

Yeremia 49:33

Hasor a vydh godegh owrgeun, difeyth bys vykken; ny vydh trigys denvyth ena, na ny vydh nagonan ynni avel alyon.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 51:37

ha Babylon a vydh karnedhow, trigva owrgeun, tra euth ha hwibana, heb annedhyas.

Yeremia 8:22

A nyns eus balsam yn Gilead? a nyns eus medhek ena? Ytho prag nag eus yaghheans rag myrgh ow fobel?

Kynvannow 1:4

Yma fordhow Sion ow kyni, rag ny dheu denvyth dhe'n goelyow; oll hy yetys yw forsakys, hy oferysi a hanas; grevys yw hy gwyrghesow, hag yma dhedhi hwerowder.

Kynvannow 2:2

An Arloedh re gollonkas heb truedh oll annedhow Yakob; yn y sorr ev re dorras dinasow myrgh Yuda; ev re dhros bys y'n dor ha disenora an wlaskor ha'y rewloryon.

Kynvannow 3:47

Euth ha'n pytt re beu dhyn, diswrians ha terroes.

Levitikus 26:32

Ha my a wra an tir dibobel, ha'gas eskerens usi trigys ynno a vydh sowdhenys.

Mika 1:6

Rakhenna y hwrav a Samaria karnedh y'n gwel, tyller rag plansa gwinbrennyer; ha my a dhinwa hy meyn y'n nans, ha diskudha hy selyow.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.