Yeremia 9:10 - An Bibel Kernewek 20234 (Kernewek Kemmyn)

¹⁰ Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:10 ပူးပေါင်းရင်းမြစ်များ

Ysay 41:15

Otta, my a'th wra draylell-dhrushya, lymm, nowydh, ha dhedhi dyns, ty a dhrusha an menydhyow, ha'ga brewi, ha ty a wra an breow avel us.

Ysay 49:19

Rag dha vagoryow ha'th tylleryow gwag ha'th tir gwastys a vydh re vyghan lemmyn rag dha drigoryon, ha'n re a'th lonkas a vydh pell dhe-ves.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 12:11

I a'n gwrug ynyal; ynyal, y kalar orthiv an tir oll yw gwrys ynyal, mes denvyth ny'n kemmer dhe golonn.

Yeremia 12:4

Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’

Yeremia 14:6

Ha'n asenes gwyls a sevis y'n ugheldiryow moel, ow frikhwytha an gwyns avel owrgeun; aga lagasow a fyllis, drefenn nag esa losow.

Yeremia 2:15

An lewyon yowynk a vedhyglas warnodho, hag usa: i re wastyas y dir: y sitys yw leskys, heb annedhyas.

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Yeremia 23:10

Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Yeremia 8:18

Nyns eus eli rag ow anken; ow holonn yw klav.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 2:11

Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.

Kynvannow 5:18

rag menydh Sion, hag yw ynyal; owrgeun a gerdh warnodho.

Ezekiel 14:15

Mar tannvonav drog woedhviles der an pow ha'y dhibobla, may fo difeyth, ha ma na allo denvyth tremena drefenn an bestes,

Ezekiel 27:2

Ty, A vab den, drehav kynvann erbynn Tyr.

Ezekiel 29:11

Ny dremen dresto troes den, na ny dremen dresto troes best; ny vydh annedhys dewgens blydhen.

Ezekiel 33:28

My a wra an tir ynyalder ha difeythtir, hag y fydh diwedh dh'y nerth goethus; menydhyow Ysrael a vydh ynyal heb tremenyas.

Ezekiel 6:6

Yn oll agas annedhow an sitys a vydh difeythys; agas tylleryow ughel a vydh distruys, may fydh agas idolys terrys ha diswrys, agas alteryow ynkys treghys dhe'n dor, ha'gas oberow defendys dhe-ves.

Hosea 4:3

Rakhenna an tir a dhesygh, ha myns eus trigys ynno a wedher, gans bestes an gwel, ydhyn an nevow; ynwedh puskes an mor a wra merwel.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Yoel 1:19

Dhiso ji. A Arloedh, y kriav: rag tan re dhevoryas peurvaow an gwylvos; ha flamm re gowlloskas oll gwydh an gwel.

Amos 5:1

Klewewgh an ger ma a dhrehavav er agas pynn, galargan, A ji Ysrael:

Amos 5:16

Rakhenna yndellma y lever an Arloedh, Duw an luyow, an Arloedh: Yn plenys oll y fydh oelva, hag y'n stretys oll i a lever ‘Ellas, ellas!’ Gelwel a wrons an tiek dhe gynvann, ha dhe oelva an re a woer kyni.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.