Yeremia 8:9 - An Bibel Kernewek 20234 (Kernewek Kemmyn)

⁹ Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Yeremia 8:9 ပူးပေါင်းရင်းမြစ်များ

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

Job 5:12

Ev a lest towlennow an dus fel, ma na yll aga diwleuv seweni.

Job 5:13

Ev a vagel an dus fur yn aga felder, ha towlennow an dus sleygh yw dres dhe worfenn yn skon.

Salmow 19:7

Lagha an Arloedh yw perfydh, ow kul dhe'n enev dasvewa; dustuniow an Arloedh yw sur, ow ri furneth dhe'n re sempel.

Ysay 19:11

Yn hwir, fellyon yw pennsevigyon Soan; kusulyoryon fur Faro a re kusul gokki. Fatell leverowgh dhe Faro, ‘Mab tus fur ov vy, mab myghternedh goth’?

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 43:27

Dha gynsa tas a beghas, ha'th leverysi a rebellyas er ow fynn.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Yeremia 15:6

Ty re'm denaghas, yn-medh an Arloedh, ty yw gyllys war-dhelergh: ytho my a ystynn ow leuv er dha bynn, ha'th tistrui; skwith ov ow koedha yn edrek.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Yeremia 6:15

Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Ezekiel 7:26

Anfeusi war anfeusi a dheu, hag y fydh hwedhel war hwedhel. I a hwila gwelesigeth dhiworth profoes; dyskans a'n lagha gans an oferyas a vydh kellys, ha kusul dhiworth an henavogyon.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Zekaria 13:4

Y'n jydh na, pub profoes a vydh methek a'y welesigeth, pan wra ev profoesa. Ny wisk mantell blew rag may toello.

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.