Yeremia 8:8 - An Bibel Kernewek 20234 (Kernewek Kemmyn)

⁸ Fatell yllowgh leverel, ‘Fur on, hag yma lagha an Arloedh genen’? Otta, hi re beu treylys yn gow gans pluvenn wowek an skribys.

Yeremia 8:8 ပူးပေါင်းရင်းမြစ်များ

Job 11:12

Mes gour gokki a gyv konvedhes, pan yw ebel asen gwyls dineythys avel den!

Job 12:20

Ev a dhege diwweus an re yw trestys, ha kemmeres dhe-ves skians an henavogyon.

Salmow 147:19

Ev a dhiskwa y er dhe Yakob, y ordenansow ha'y vreusow dhe Ysrael.

Lavarow Koth 17:6

Fleghes wynn yw kurun an re goth, ha glori mebyon yw aga thasow.

Ysay 43:27

Dha gynsa tas a beghas, ha'th leverysi a rebellyas er ow fynn.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 48:14

Fatell yllowgh leverel, ‘Kasoryon alloesek on ni, ha gwer nerthek rag an vresel’?

Hosea 8:12

Kyn skrifav ragdho ordenansow diniver ow lagha, akontys yns avel neppyth astranj.

Matthew 15:6

nyns yw ev synsys dhe enora y das na'y vamm; ha hwi a dhile ger Duw der agas hengov.

Yowann 9:41

Yesu a leveris dhedha, ‘Mar pewgh dall, ny via dhywgh pegh; mes lemmyn hwi a lever, “Ni a wel”, ytho agas pegh a bes.’

Romanyon 1:22

Owth omwul fur, gyllys foll ens,