Yeremia 8:4 - An Bibel Kernewek 20234 (Kernewek Kemmyn)

⁴ Ty a lever dhedha: Yndellma y lever an Arloedh: Pan wra tus koedha, a ny wrons i sevel arta? Mar kwra nebonan treylya, a ny dhehwel?

Yeremia 8:4 ပူးပေါင်းရင်းမြစ်များ

1 Myghternedh 8:38

ha pan vo pysadow pynag po pledyans pynag gwrys gans den po gans oll dha bobel Ysrael, owth aswonn galarow aga holonn aga honan mayth ystynnons aga diwleuv war-tu ha'n chi ma:

Lavarow Koth 24:16

Rag den gwiryon a goedh seythgweyth ha sevel arta, mes an debeles yw domhwelys gans droglamm.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 36:3

Y hyll bos pan glewvo chi Yuda a oll an drog a vynnav gul dhedha, i oll dhe dreylya a'ga drog fordhow, may hylliv gava aga hammweyth ha'ga fegh.

Yeremia 4:1

Mar tehwelydh, A Ysrael, yn-medh an Arloedh, mar tehwelydh dhymm: ha mar korrydh dha daklow kasadow yn-mes a'm golok, heb mos yn sowdhan na fella,

Ezekiel 18:23

Eus delit dhymm yn mernans tebelwas? yn-medh an Arloedh Duw; a nyns eus moy delit dhymm pan dreyl dhiworth y fordhow ha bewa?

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Hosea 7:10

Goeth Ysrael a dhest er y bynn, mes ny dhehwelsons dhe'n Arloedh aga Duw, na ny'n hwilsons, yn despit dhe henna oll.

Amos 5:2

Koedhys yw, ny sev arta, an wyrghes Ysrael; forsakys war hy thir, heb denvyth dh'y dassevel.

Mika 7:8

Na lowenhewgh a-dro dhymm, ow eskares; pan goedhav, y savav; pan esedhav yn tewlder, an Arloedh a vydh golow dhymm.