Yeremia 8:21 - An Bibel Kernewek 20234 (Kernewek Kemmyn)

²¹ Rag pystik myrgh ow fobel yth ov pystigys; kyni a wrav; euth re'm dalghennas.

Yeremia 8:21 ပူးပေါင်းရင်းမြစ်များ

Nehemia 2:3

My a leveris dhe'n myghtern, ‘Re vewo an myghtern bys vykken! Prag na via ow fas trist, pan yw difeyth an sita, tyller bedhow ow thasow, ha hy yetow re beu distruys gans tan?’

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 14:2

Yuda a alar, divew yw hy yetow; esedhys yns war an dor yn galarwisk; ha kri Yerusalem res eth yn-bann.

Yeremia 17:16

Mes my, ny fistenis a vones bugel dhe'th siwya, na ny hwensis dydh an anfeusi; ty a woer: an pyth a dheuth a'm diwweus a veu a-rag dha wolok.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 8:20

‘An drevas yw tremenys, an hav yw gorfennys, ha nyns on ni sawys.’

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Kynvannow 3:1

My yw an gour re welas galar yn-dann vagel y sorr;

Yoel 2:6

A-ragdha poblow a gren: oll an fasow a gyll aga liw.

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Luk 19:41

Ha pan dheuth nes, ow kweles an sita, ev a oelas warnedhi,