Yeremia 8:2 - An Bibel Kernewek 20234 (Kernewek Kemmyn)

² hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Yeremia 8:2 ပူးပေါင်းရင်းမြစ်များ

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 21:5

Ev a dhrehevis alteryow rag oll lu an nev y'n dhew klos chi an Arloedh.

2 Myghternedh 23:5

Ev a bellhas an oferysi bagan apoyntys gans myghternedh Yuda dhe leski sakrifisow y'n tylleryow ughel yn sitys Yuda ha kyrghynn Yerusalem; hag ynwedh an re a offrynna sakrifisow dhe Baal, dhe'n howl, dhe'n loer, dhe doknys an stergylgh ha dhe oll lu an nev.

Salmow 53:5

Ena yth esens i yn own bras yn tyller ma nag esa own; rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.

Salmow 83:10

neb a verwis yn Endor, ha dos ha bos avel teyl rag an dor.

Salmow 83:11

Gwra aga bryntinyon avel Oreb ha Zeeb, oll aga fennsevigyon avel Zebagh ha Salmunna;

Ekklesiastes 6:3

Kyn tineyttho gour kans flogh ha bewa lies blydhen, kyn fewo hirneth mes ny yll ev bos lenwys gans y sewena, kyn na vo bedh dhodho, my a lavarsa, flogh genys marow yw feusikka agesso.

Yeremia 14:16

Ha'n bobel dhe neb y profoesons a vydh tewlys yn-mes yn stretow Yerusalem drefenn an divoetter ha'n kledha; ha ny vydh nagonan dh'aga ynkleudhyas, i, na'ga gwragedh, na'ga mebyon, na'ga myrghes: rag my a dhiver aga drogedh warnedha.

Yeremia 16:11

ena ty a lever dhedha: Drefenn agas tasow dhe'm forsakya, yn-medh an Arloedh, ha kerdhes gans duwow erell, ha'ga servya i, ha'ga gordhya i, ha'm forsakya, ha ny withsons ow lagha;

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Yeremia 19:13

ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Yeremia 22:19

Ev a vydh ynkleudhys gans ynkleudhyans asen, draylys yn-rag ha tewlys a-ves dhe yetow Yerusalem.

Yeremia 25:33

An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Yeremia 31:40

An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Yeremia 36:30

Ytho yndellma y lever an Arloedh a-dro dhe Yehoyakim myghtern Yuda: Ny'n jevydh denvyth dhe esedha war dron Davydh, ha'y gorf marow a vydh tewlys yn-mes dhe'n toemmder dydhweyth ha dhe'n rew nosweyth.

Yeremia 9:20

Ytho klewewgh ger an Arloedh, hwi venynes, ha gwres agas skovarn degemmeres an ger a'y anow, ha dyskewgh kynvann dh'agas myrghes, ha peub dh'y hentrevek galargan:

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Yeremia 9:22

Kows, Yndellma y lever an Arloedh: ‘Hwath korfow tus a wra koedha avel teyl war an mes, avel an dhramm war-lergh an myser, ha nagonan ny's kuntell.’

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.

Ezekiel 39:5

Ty a goedh y'n gwel igor; rag my re gewsis, yn-medh an Arloedh Duw.

Ezekiel 6:5

My a worr korfow mebyon Ysrael a-rag aga idolys, ha skattra agas eskern a-dro dh'agas alteryow.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Sefania 1:17

Ha my a dhre anken dhe'n dus may kerdhons kepar ha dellyon, rag i dhe begha erbynn an Arloedh: ha skoellys vydh aga goes kepar ha doust, ha'ga hig kepar ha kawgh.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Oberow 7:42

Mes Duw a dreylyas ha'ga daskorr dhe wordhya lu nev, par dell yw skrifys yn lyver an brofoesi: “A dhresowgh hwi dhymm offrynnow ledhys ha sakrifisow dew-ugens blydhen y'n gwylvos, A ji Ysrael?

Dewteronomi 17:3

ha mos ha servya duwow erell, ha plegya dhe'n dor a-ragdha, po dhe'n howl po dhe'n loer po dhe oll lu an nev, pyth na wrugavy y worhemmynna;

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.