Yeremia 8:14 - An Bibel Kernewek 20234 (Kernewek Kemmyn)

¹⁴ Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 8:14 ပူးပေါင်းရင်းမြစ်များ

2 Samuel 20:6

Yn-medh Davydh dhe Abishay, ‘Lemmyn Sheba mab Bikri a wra moy drog dhyn es dell wrug Absalom. Kemmer gwesyon dha vester ha'y helghya, poken ev a gyv ragdho sitys krev, ha diank ahanan.’

Salmow 39:2

Avlavar en vy, ow tewel; kosel en vy, heb hebaska. Ow galar a wethhas;

Salmow 69:21

I a ros dhymm ynwedh bystel rag ow boes, hag y'm syghes i a ros dhymm aysel.

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Yeremia 14:20

Ni a aswonn, A Arloedh, agan drogedh, kammhynseth agan tasow, rag ni re beghas er dha bynn.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Yeremia 23:15

Ytho yndellma y lever Arloedh an luyow a-dro dhe'n brofoesi: ‘Otta, my a's boes gans fuelenn ha gul dhedha eva dowr gwenonek; rag a-dhiworth profoesi Yerusalem ansansoleth res eth yn oll an tir.’

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 35:11

Mes pan dheuth Nebukadnessar myghtern Babylon erbynn an tir, ni a leveris, “Dewgh ha deun dhe Yerusalem drefenn own lu an Kaldeanys ha lu Aram.” Drefenn henna yth eson trigys yn Yerusalem.’

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Yeremia 9:15

Rakhenna yndellma y lever Arloedh an luyow, Duw Ysrael: Otta, my a vag an bobel ma gans fuelenn, ha ri dhedha dowr gwenonek dhe eva.

Kynvannow 3:19

Kovha ow galar, ha'm diannetter, an fuelenn ha'n vystel.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Amos 6:10

An ewnter a dhen, ev neb wra y leski, a'n drehav, dhe dhri an eskern yn-mes a'n chi, hag ev a lever dhe nebonan a-bervedh y'n chi, ‘Eus nebonan hwath genes?’ Ev a worthyp, ‘Nag eus’, hag ena ev a lever, ‘Taw! Res yw na vo menegys hanow an Arloedh.’

Habakkuk 2:20

Mes yma'n Arloedh yn y dempel sans: tewes a-dheragdho oll an nor!

Zekaria 2:13

Taw a-rag an Arloedh, oll kig, rag difunys yw a-dhiworth y drigva sans.

Matthew 27:34

i a ros dhodho dhe eva gwin kemmyskys gans bystel; mes wosa ev dh'y dastya, ny vynnas y eva.

Dewteronomi 29:18

Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.

Dewteronomi 32:32

Aga gwinbrenn yw dhiworth gwinbrenn Sodom, ha dhiworth gwinlannow Gomorra. Aga grappys yw grappys gwenon, yma dhedha bagasow a rappys hwerow.