Yeremia 8:13 - An Bibel Kernewek 20234 (Kernewek Kemmyn)

¹³ My a's kuntell yn leun, yn-medh an Arloedh: ny vydh gwinreun war an gwinbrenn, na ny vydh figys war an figbrenn, ha'n del a wedher; ha'n pyth a res dhedha a dremen a-dhiworta.

Yeremia 8:13 ပူးပေါင်းရင်းမြစ်များ

Ysay 5:10

Ytho gwinlann a dheg erow a wra unn bath, ha'n homer a has a wra efa.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 14:15

Ytho yndellma y lever an Arloedh a-dro dhe'n brofoesi a brofoes y'm hanow vy, kyn na's dannvenis, mes hwath i a lever, ‘Ny vydh kledha na divoetter y'n tir ma’: Dre gledha ha divoetter y fydh distruys an brofoesi na.

Yeremia 17:8

Rag ev a vydh avel gwydhenn plynsys ryb dowr, ow lesa hy gwreydh ryb an dowrhyns, mes ny berth own pan dheu an toemmder, mes hy delyow a vydh glas; hag yn blydhen syghor ny'n jevydh fienasow, na ny hedh a dhoen frut.

Yeremia 5:17

I a wra dybri dha drevas, ha'th vara, a dalvia bos dybrys gans dha vebyon ha'th vyrghes: i a wra dybri dha flokkys ha'th greow; i a wra dybri dha winbrennyer ha'th figys; i a wra terri dhe demmyn dha sitys kerys, ynna may fydhsys, der an kledha.

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Hosea 2:12

My a wra difeythya hy gwinbrennyer ha'y figbrennyer, may leveris anedha, ‘Ow pewas yns i, a rosons ow haroryon dhymm.’ My a's gwra goedhel, ha bestes an gwel a's deber.

Yoel 1:7

Hi re dhifeythyas ow gwinbrenn, ha terri ow figbrenn; hi re'n diruskas glan ha'y dewlel dhe-ves; y skorrennow yw gwrys gwynn.

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Haggay 1:11

Ha my a elwis rag syghor war an tir, war an menydhyow, ha war an ys, war an gwin nowydh, ha war an oyl, ha war an pyth a wra an dor y dhri mes, war dus, ha war warthek ha war oll an askorr a lavur diwleuv.

Haggay 2:17

My a weskis warnowgh, ha war wriansow oll agas diwleuv, gans kleves losk ha kleves melynheans y'n ys ha keser, mes ny dreylsowgh dhymm, yn-medh an Arloedh.

Malaki 3:11

My a wra keredhi an hes a dhevor ragowgh hwi ma na dhistru an frut a'gas tir, ha'n gwinbrenn y'n gwel ny vydh heb frut, yn-medh Arloedh an luyow.

Matthew 21:19

Hag ow kweles unn figbrenn ryb an fordh, ev a dheuth dhodho, mes ny gavas travyth warnodho saw unnsel delyow, hag yn-medh ev dhodho, ‘Na dhes frut dhiworthis na fella bys vykken!’ Ha dihwans an figbrenn a wedhras.

Jamys 1:11

Rag an howl a sev gans an trethes ha gul dhe'n gwels gwedhra, ha'n vleujenn anodho a goedh, ha tekter y semlans yw diswrys. Y'n keth fordh an den rych a wedher yn mysk y wriansow.