Yeremia 8:12 - An Bibel Kernewek 20234 (Kernewek Kemmyn)

¹² Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Yeremia 8:12 ပူးပေါင်းရင်းမြစ်များ

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 6:15

Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Hosea 5:9

Efraym a vydh ynyal yn dydh an geredh. Yn mysk loethow Ysrael deklarya a wrav an pyth yw sur.

Ysay 24:2

Hag y fydh an keth tra rag an bobel ha'n oferyas, rag an gwas ha'n mester, rag an vaghteth ha'y mestres, rag an prener ha'n gwerther, rag an prester ha'n chevisyer, rag an kresysor ha'n kendoner.

Yeremia 6:21

Ytho yndellma y lever an Arloedh: Otta, my a worr a-rag an bobel ma sklanderyow may hwra koedha warnedha tasow ha mebyon war-barth; an kentrevek ha'y goweth a dhe goll.

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 44:10

Ny's teva edrek, na ny borthsons own, na ny gerdhsons y'm lagha ha'm ordenansow a worris a-ragowgh hag a-rag agas tasow.

Ezekiel 23:18

Pan esa hi ow kul hy fornikasyon yn igor, hag ow tiskudha hy noethedh, my a dreylyas dhiworti divlasys, kepar dell dreylis divlasys dhiworth hy hwoer.

Jenesis 19:34

Ha ternos y hwarva an kynsa-genys dhe leverel dhe'n yowynka, ‘Awotta, my a wrowedhas de gans ow thas. Gwren ni gul dhodho eva gwin haneth ynwedh, ha ke tejy dhe wrowedha ganso, may hyllyn gwitha has der agan tas.’

Yeremia 14:15

Ytho yndellma y lever an Arloedh a-dro dhe'n brofoesi a brofoes y'm hanow vy, kyn na's dannvenis, mes hwath i a lever, ‘Ny vydh kledha na divoetter y'n tir ma’: Dre gledha ha divoetter y fydh distruys an brofoesi na.

Yeremia 23:12

Ytho aga fordh a vydh avel hynsyow slynk y'n tewlder, may fydhons herdhys ynna ha koedha: rag my a dhre drogedh warnedha yn blydhen aga hessydhyans, yn-medh an Arloedh.