Yeremia 8:10 - An Bibel Kernewek 20234 (Kernewek Kemmyn)

¹⁰ Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Yeremia 8:10 ပူးပေါင်းရင်းမြစ်များ

Job 31:10

ena re vallo ow gwreg rag den arall, ha re kosko gwer erell gensi.

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 57:17

My a sorras orth anewnder y govaytis; my a'n gweskis, my a gudhas ow fas hag a veu serrys; mes ev a gerdhi dislen yn fordh y golonn y honan.

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 17:11

Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 32:32

drefenn oll drogedh fleghes Ysrael ha fleghes Yuda, a wrussons dhe'm provokya dhe sorr, i, aga fennsevigyon, aga oferysi, ha'ga frofoesi, ha gwer Yuda, hag annedhysi Yerusalem.

Yeremia 38:22

Otta, oll an benynes yw gesys yn chi myghtern Yuda a vydh dres yn-mes dhe bennsevigyon myghtern Babylon, hag i a lever, “I re'th toellas ha'th fetha, an wer a drestsys ynna; dha dreys yw sedhys y'n leys, hag i a dreyl a-dhiworthis.”

Yeremia 42:1

Ena oll pennsevigyon an luyow, ha Yohanan mab Kareagh ha Yezania mab Hoshaia, hag oll an bobel a'n lyha dhe'n meurra a dheuth nes

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 3:5

Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.

Habakkuk 1:6

Rag, otta, my a sord an Kaldeanys, kenedhel hwerow ha fysk, a geskerdh dre les an tir rag sesya annedhow nag esons dhedha.

Sefania 1:13

Aga rychys a dheu ha bos preydh, ha'ga chiow forsakys: i a dhrehav chiow heb triga ynna, hag i a blans gwinlannow heb eva aga gwin.

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,