Yeremia 7:8 - An Bibel Kernewek 20234 (Kernewek Kemmyn)

⁸ Otta, hwi a fydh yn geryow gow, nag yns dhe les.

Yeremia 7:8 ပူးပေါင်းရင်းမြစ်များ

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Yeremia 13:25

Homm yw dha gevrenn, dha rann a vusuris dhis, yn-medh an Arloedh; drefenn ty dhe'm ankevi, ha fydhya yn gowegneth.

Yeremia 23:26

Pes termyn y fydh hemma yn kolonn an brofoesi a brofoes gowyow, hag a brofoes toell aga holonn aga honan?

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yeremia 28:15

Ena an profoes Yeremia an profoes a leveris dhe Hanania an profoes, Goslow, Hanania, ny'th tannvonas an Arloedh, mes ty a wra an bobel ma dhe fydhya yn gow.

Yeremia 4:10

Ena my a leveris, ‘Ogh A Arloedh Duw! Yn sur ty re doellas an bobel ma ha Yerusalem, ow leverel, “Kres a'gas bydh”; mes seulabrys an kledha a dhrehedh bys y'n enev.’

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 7:4

Na fydhyewgh yn geryow gow, ow leverel, ‘Hemm yw tempel an Arloedh, tempel an Arloedh, tempel an Arloedh.’

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.