Yeremia 7:6 - An Bibel Kernewek 20234 (Kernewek Kemmyn)

⁶ mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 7:6 ပူးပေါင်းရင်းမြစ်များ

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

Salmow 106:38

ha skoellya goes gwiryon, goes aga mebyon ha'ga myrgh, neb a offrynnsons dhe dhuwow Kanan; ha'n tir a veu defolys gans goes.

Lavarow Koth 23:10

Na dhile men-kov koth, na enter yn parkow omdhivasow.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 13:10

An debel bobel ma, a nagh klewes ow geryow, hag a gerdh yn gorthter aga holonn, ha mos war-lergh duwow erell, ha'ga servya, ha'ga gordhya, a vydh avel an grogys ma, nag yw da rag travyth.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 2:34

Ynwedh y'th lostennow y fydh kevys goes-bewnans an voghosogyon ankablus: ny's kevsys ow terri yn chiow. Mes yn spit dhe henna oll

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Yeremia 26:23

hag i a gyrghas Uria yn-mes a Ejyp ha'y dhri dhe Yehoyakim an myghtern, neb a'n ladhas gans an kledha ha tewlel y gorf marow yn ynkleudhva an bobel gemmyn.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Yeremia 7:5

Rag mar kwellhowgh yn hwir agas fordhow ha'gas gwriansow; mar kwrewgh breusi yn hwir yntra gour ha'y gentrevek;

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 18:6

mar ny dheber war an menydhyow, na drehevel y dhewlagas dhe idolys chi Ysrael, na defola gwreg y gentrevek, na dos nes dhe wreg yn hy amseryow,

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Levitikus 19:33

Ha mars eus alyon trigys genes yn agas tir, ny wrewgh y arwaska.

Levitikus 25:17

Ytho, ny wrewgh hwi gwaska an eyl y gila, mes ty a berth own a dha Dhuw, rag an Arloedh agas Duw ov vy.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

Dewteronomi 11:28

an volleth mar ny woslewowgh gorhemmynnow an Arloedh agas Duw, ha treylya dhiworth an fordh esov orth hy gorhemmynna dhywgh hedhyw, ow kerdhes war-lergh duwow erell na's aswonnsowgh.

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.